يا(000) فيك الشعر يفخر ويختـال
وتسهل صعوباتـه ويكبـر خيالـه
يعزف لك الطاروق مـوال مـوال
وتظهر مراسـم بهجتـه واحتفالـه
ويسمابك وياقف لك اكبار وجـلال
ويرمي لك شماغه ويرمـي عقالـه
لانه يشوفك حال عن كل الاحـوال
ولانه يشوف انك شموخ الاصالـه
ولانك عريبة جد ومعربـة خـال
ومنك الحلا ياخـذ اجنـة خصالـه
اجمل من البسمه على شفاه الاطفال
واعذب من الما في منابـع زلالـه
للشمس مشرق في خدودك ومقيـال
ولليـل بعيونـك حكايـة وحالـه
تسولف عن الليل حـلٍ وترحـال
تحكي عنه وتحـب فيـه الاطالـه
يعني كذا فيك الحلا دقاق وجـلال
لا جا مثاله صرتـي انتـي مثالـه
آية حسن يا (000) واعجوبة اجيال
انتي عقال الزيـن والنـاس فالـه
ياسلام ياسلام
عذوبه وابداع
لله درك وصح لسانك
|