وليد العمودي

[poem=font="Arabic Transparent,4,indigo,bold,normal" bkcolor="transparent" bkimage="" border="solid,2,indigo" type=2 line=1 align=center use=ex num="0,black"]
الناس تشكر مطلقين المساجين=وياما سجنتي ياعيوني من دموع
واليوم لازم يطلق الدمع ياعين=الدمع بإصحاب الوفا حق مشروع
ياقلب ياصبرك على الغبن والبين=تجيلك الاحزان من نوع من نوع
واخر خبر فاجاك من وقتك الشين=فرقا صديقٍ للمروات ينبوع
هذا الخبر فجر بقلبي براكين=من صدمتي كني على الوجه مصفوع
خلا ضلوعي مثل جدران برلين=وانا من اول فاقدٍ عدة ضلوع
تنست الفرصه لسيف القوانين=حتى قدر يبتر يميني من الكوع
وانت اليمين اللي بها نوفي الدين=ونجعل بها راس الطموحات مرفوع
حطيت لي من قو باسك جناحين=اشهر بها عن موقع الخوف والجوع
ياما نبت من خوّتك من بساتين=على صحاري مابها شئ مزروع
نطيب مادورت للطيب تثمين=خالفت قول الناس نافع ومنفوع
فيك الكرم والصدق والمنطق الزين=اما الوفا كل الوفا فيك مجموع
والله لو ماجدك ادم من الطين=لاقول لك جدٍ من النور مصنوع
لو كان قربك يشتري بالملايين=تلقى ثمن قربك ليا الموت مدفوع
ولو كان غيرّت السكن والعناوين=طيبك وتقديرك على القلب مطبوع
ياسيف بعدك ماتفيد السكاكين=ولخاطرك نقل السكاكين ممنوع[/poem]