أهدي لكم هذه القصيد أرجو أن تنال استحسانكم وهي في مناسبة ما .

[poem=font="Simplified Arabic,5,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
الضيق ما هو فأرض ربي عندكم جوف الصدور = عميت بصايركم و صرتوا ما تشوفون السعة

أصدوركم ضاقت وغاشت كنها غوش القدور = والمسألة سهلة ولا تسوى الريال أبو أربعة

اللي من أدنى شي يحصله كما الشعلة يثور = ما هو ظفر ضعف احتمال أقل حاجة توجعه

ايفر وليا ثقلت الحملة على راسه تدور = تصرف(ن) سواة من يعمي عيونه باصبعه

ترى الغضب لن حل جا شر(ن) ما بعده فيه سور = ويصيرعلم(ن) يمكن الرجال ما يتوقعه

شي(ن) بنيته من قديم الوقت فسنين وشهور = مع الغضب في لحظة(ن) وحدة لياك مضيعه

تلقى البداية فالعلوم أما جهل ولا غرور = ولا معاوين (ن) ليا حل القدر ما تنفعه

بعض الدروب مقفلة مكتوب ممنوع العبور = وبعض الدروب يودي الواحد ولا يرجع معه

والدرب حتى لو فوقه شفت مسموح المرور = فكر رجوعك كيف والتفكير لا تتصنعه

واللي علومه فالمجالس عمي وأطيب شي عور = أفضل وسيلة يمسك لسانه بيده ويقطعه

بعض الكلام يقوله الرجال شي بلا شعور = وهوه ما يدري كلمته يا تطرحه يا ترففعة

ليت الرقاب طوال حتى الغلطة ليا جت تفور = يمديك تلحقها قبل تجي عليك مربعة

لوتشبه ارقبة البعير إن قلت معها علم زور = العلم مع وسط ارقبتك تعدله وترجعه

والمشكلة فاللي ما تمسك هرجها جوف النحور = ما تستريح ولا تشوف الدرب لين تطلعه

لكن ما قلت كلمة خير أنا أبغى أعطيك شور = أحسن لك اسكت لا تجيب الشر ثم تولعه

ولن صرت راس الفتنة اللي ولعت كل الشرور = حلت عليك اللعنة ويمكن تصيبك مسرعة

والعاقل ليا جاه من جاهل خطا يصبح صبور= وإن ما قدر يصبر يدور عاقله ويسنعه

واللي بناها مالها ساس(ن) جويد بلاجسور = تبا تجيه محولة وتصير ضربة موجعة

و علم(ن) ما يبنى فوق تقوى الله على ملة ونور= راعيه يتعب فالخلا ويضيع وسط فالمعمعة

علم (ن) ليا هبت عليه أما الصبا ولا الدبور = تفرقه وأقل شي يفرقه ما يجمعه [/poem]
[align=center]شعر : فلاح بن مرشد بن خلف الزراقي العتيبي[/align]