|
كائن هلامي
السلام عليكم
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حن ياشعر مسقط راسك الابتكار=وامك الفكرة العذرا وابوك الضمير
مارضعت اللبن من نهد ذات الخمار=ولاعرفت الفطام ولا لباس الحرير
انت كائن هلامي من بقايا دمار=واحتضار المبادي في الصراع الخطير
جيت من عالم اللاشي رد اعتبار=لامتهان المجير بصرخة المستجير
جيت مينا وبوابة وشعلة فنار=يلتقي فيك سربين الوطن والمصير
جيت تسهم مع الواقع بصنع القرار=من خلال المنابر والورق والاثير
جيت تحكي حكايتنا عرب باختصار=كيف صرنا وكيف الوضع لازم يصير
كيف عليت كعب النابغة لين صار=ينتقد بيت للخنسا وبيت لزهير
كيف في المربد اشعلت امبيال الحوار=للفرزق والاخطل والتميمي جرير
كيف كنت الجهاز اللي يزيد انتشار=ابشع ابيات قيلت في قبيلة نمير
كيف حرضت فاروق وصلاح ونزار=يوم كانوا لصنع الحرف رهبان دير
يجعلون العروبة في خضم الحصار=تهتف الله اكبر في تفاعل كبير
كيف عيشتنا في لذة الانتصار=بينما تعلن الابواق شؤم النذير
كيف والقدس كم خطوة من الانتحار=ننسجم في قصيدة شاعر ونستخير
عمرك يقاس بالتاثير عكس العمار=نوب عمرك طويل ونوب عمرك قصير
تحسب ان الخلف مثل السلف يستثار=بس ما عاد فيهم حيل مهما تثير
وش كثر كنت ياهالشعر مصدر دمار=كثير ما كنت معطاء وقليلك كثير
أمة الضاد ما للضاد فيها وقار=عزتي ياعدمنا خيلنا ان لم تغير
سافر مع اي طيارة وفاقرب مطار=قبل الاغلاق واعلان النداء الأخير
لاشعوبك شعوب ولاديارك ديار=ولاحياتك حياة ولا مصيرك مصير
واترك الشمس تكسف لو بوضح النهار=أصلا التايه اعور والمقدّي ضرير[/poem]
|