|
بالله قلي ويش باقي ما يبيك !؟
السلام عليكم ورحمة الله وبركاته
متواضعه واتمنى ان تنال على رضاكم
*
*
*
*
*
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
هذا أنت ثاني يوم تبعدني بعيد = وأنا وقلبي يالغلا شفقٍ عليك
نموت في طاريك .. نحياه ونعيد = أجمل سنين العمر في راحة يديك
نشتاق لك .. والشوق لك ما هو جديد = دام الشعور اللي بدا لك يحتويك
قد قلتها لك يالغضي شوفتك عيد = عيّد على اللي ((وسط جوفي)) مشتريك
اللي ليا من غبت عني ما يحيد = عن ذكرك وطاريك .. وعيونٍ تبيك !!
ولو طال جور البعد (يالوجه السعيد) = ((دوّر)) على شيٍ يجيك ويبتديك
لك وحشةٍ بين المحاني .. لو تزيد !؟ = ما شفتني واقف أسولف وحتريك !!
يا صاحبي والليل أحساس ونشيد = وسجات عن بعض البشر .. وسجات فيك
وذكرى تليّن قسوة القلب الشديد = ودمعه .. وغصة .. واختناق يعتريك
هي ليلةٍ ما عاشها قلب البليد = يا شينها .. والله من شرها يقيك
في غيبتك كني على دربي وحيد = ما غير دمعٍ فوق خدي يفتديك
تعال دام البعد نيرانٍ تبيد = ضمني على صدرك وقربني إليك
روحي وقلبي والعقل .. حتى القصيد !! = كلٍ على الثاني يبديك ويجيك !!
أبيك كلي من وريدي للوريد = بالله قلي ويش باقي ما يبيك !؟[/poem]
أخوكم : مشاري البرازي
أيامنـا وان جمّلوهـا .. تعاجيـب !! = يقولهـا .. مـن فالحقيقـه بصرهـا
تـدور فينـا مثـل دور الدوالـيـب = ويا كثـر مـا وردت علينـا سيّرهـا
سود الليالي تصبغ الـراس بالشيـب = وبيض الليالي تطعمك من ثمرهـا !!
al_sh3er@live.com
ديــــوانــــي
|