عبدربه

على الطريق اللي بالاخطار محفـوف
تمشـي بنـا الايـام ليـن نتـوفّـى
بين الرجا والياس والامـن والخـوف
رحله عمـر تكشـف لنـا ماتخفّـى
فيهـا تجاربنـا محطـات وتـطـوف
وتبقى لنـا مثـل الوقـود المصفّـى
ياكثر مامريـت بآزمـات وظـروف
ويا قل مـن وقـف بجنبـي ووفّـى
لا صوت ِ لا صوره ولا وجه مألوف
غابت وجيـه اللـي بشوفـي تحفّـى
حتى انت ياورد ِ من الـود مقطـوف
ذَبلَتْ غصونك قبـل فيـك استشفّـى
جيتك وانا اشكي برد الاشواق بالجوف
ودي علـى جمـر الوصـال اتدفّـى
وصديت عنـي كـن منتـه بمكلـوف
ياقـو قلبـك كيـف عـزّم وقـفّـى



الله الله الله الله من مربّع توقيع مشاري الغنامي ويقول إنها :


لـ الشاعر / حمود بن برجس ..
غنامي بعــد هيّا دبّرها عاد

..

ياحيف يابعض العرب..ياحيف ./. أخطوا .. وأنا من فعلهم منصاب !
الصيف راح ودار حول الصيف ./. لكـن شـب النـار .. ياشبـّاب
يمكن سناها في الجبل لا شيف ./. يصبح لمن هو ينظره جذاب
من .. مار وألا جار وألا ضيف ./. والا من الأصحاب والأجناب
حتى يجـي نواف عند .. منيف ./. ويعوّد الغائب .. بعد ماغاب
ربعٍ لهم على النوايف .. نيف ./. تنقض حجج من يفتل الأشناب
كرم وعرف .. ولا تبا تعريف ./. والطيب طبعٍ لاهل الأطيـاب
وافين .. مافيهم ردي وضعيف./. تلقى الشباب أطيب من الشيّاب
وأنا أتسآءل .. كيف بالله كيف ./. نزّلهم تويتر من المرقاب ؟!
.....

قصة حياتي :
http://montada.mergab.com/showthread.php?t=28348