ناصر الهاجري
أساس المرقاب في صورته الحاليه
اغلب الاعضاء ما يدري بالضبط وش الجهد اللي يصير في النواحي الفنيّه وانا اولهم لكن من خلال متابعتي عن قرب عرفت وش التعب اللي يواجه هالرجل اللي كان في فتره من الفترات هو الاداره والدعم الفني والاشراف والمرقاب كله جدد الشكل العام للمنتديات واهتم في الصفحه الرئيسيه وكانت سريعة التحديث واصبحت مرجع اعلامي ومرجع لكل مرتادي الانترنت بشكل عام
اجتهد واخرج صوتيات المرقاب و بطاقاته ودواوينه وكل ما نراه الآن من امور المرقاب كامله
ايميلات المرقابيين آت مرقاب دوت كوم اوجدها لكي يصبح الايميل في ايدي امينه في حالة ذهابه يمكن عودته بواسطة ناصر الهاجري
اختيار الاشراف والادارات والترتيب للملتقيات والمحاورات المباشره والندوات واللقائات المرقابيه الصوتيه او الكتابيه والكثير من الامور اللي قام بها ناصر الهاجري تثبت ان ناصر جزء لا يتجزء من المرقاب وأساس اساسي لا يمكن ان يستغني عنه المرقاب
كنت اسأله بعد كل انجاز مرقابي جديد مو خلاص ؟؟ يقول ياأخي اوكي جبنا الشيء الجديد بس وش اللي بعده ؟؟ دائما في بحث عن الجديد للمرقاب ودائما ما أجده مهتم في الاختراقات اللتي ممكن ولو بنسبه ضئيله ان تكون موجوده في المنتدى فتجده دائما يجتهد في سد الثغرات اللتي ممكن ان تنتج عن توقيع لعضو معيّن او من ضغط في التواجد فيجتهد لإيجاد كل سبل الراحه للمرقاب واعضائه وزوّاره
اتجه للصحافه ومع ضغوطها واهتماماتها وانشغالاتها تجده بشكل دائم في المرقاب تجديد تطويّر تحديث سد ثغرات متابعه لكل شكوى او استفسار ..
بالنسبه للشكاوي والاستفسارات أذكر انه في فتره من الفترات ما عاد يدري من يرد عليه ومن يأجل الرد عليه ؟؟
أصايل فتره مزدهره لتلك المجله بتواجد ناصر معهم واصبحت منافسه ومتقدمه على الكثير من المجلات في تلك الفتره .. اهتم بالمرقاب في المجله وقدمه خير تقديم وقدم شعرائه بكل قوه وانا احد من قدمهم ناصر الهاجري في تلك الفتره وايضا ً احد من قدمني مرقابيا ً بعد الانقطاع أيام العكش ,,
مجلة المرقاب رغم انشغاله وابتعاده فله الدور الدائم والمستمر للمشاركه في أي شيء ممكن ان يخدم المرقاب من بعيد او من قريب
اما شعريا ً سأتكلم عن موقف أذكر اتصال بيني وبينه بعد السلام سألته عن سلطان الهاجري وقصيده له جديده (( البارحه يابو هادي جتني رساله )) قال ما سمعتها .. بعد ان اسمعته القصيده اغلق الهاتف وبعد فتره بسيطه يتصل لي ويسمعني رائعه من اروع ما يمكن ان يقال في عالم الشعر حملت الطابع الحزين والطابع المرح حملت الجزاله والقوّه والتلميح والتصريح .. ناصر شاعر عذب وجزل ومحبوب والقبول هبه ربّانيه
شخصيا ً .. شهادتي تقطر دما ً ..المراجل بيتعبون ناس ٍ واجد ما وصلوا طرف مراجل ابو راشد جعله يبطي حي سواء كانت بالشكل الرسمي او بالشكل الشخصي بين الرفيق ورفيقه
لكن من الجوانب الشخصيّه الخاصه في ناصر ان ناصر من احب الرجال اللذين ممكن ان تقابلهم في حياتك .. اخلاق عاليه جدا جدا ً واحترام للكل وهذا ما اعطاه ميزة المحبه لدى اغلب من يلتقيه ..
انا شخصيا ً اشتقت لناصر واتمنى ان لم اقابله انه ما يقطع تواجده المرقابي لو في الشهر مره يجي ويقول هاه هذاني جيت شوفوني وعقبه الله يستر عليه يروح للابل للدوام للي يبي بس لا يقطعنا .. وانا لو اقول ما اقول والله ان الكلام يقصر من دون ناصر في كل الاحوال اللي ممكن ان اتكلم عنها
هذي رسالتي له ورسالتي لك يا ناصر تراحيب بيّض الله وجهك الوفاء ما يستغرب من اهل الوفاء
وكل الشكر لك على هذه الوقفه التي يستحقها ,,
زحل الزحول
|