ألا ياهاجسي وش عـاد باقـي
تدك الصدر وتسهـر عيونـي
تدفـق نبعـك وزاد أندفـاقـي
ماتلحق لين أغلق لك لحونـي
مليت القلب وعروقي سواقـي
وحطيت ارتوازك فـي متونـي
تعبت أصبر بصبـرٍ مايطاقـي
محاصر جسم والشده تهونـي
طموح ورهبه وفيها أشتياقـي
هواجيسٍ لهـا شكـلٍ ولونـي
تحـدد فـي مواعيـد التلاقـي
وتحددنـي قبـل لا يسمعونـي
زمانٍ ماحصرته فـي نطاقـي
أله (Systam) ولو مايفهموني
يخلينـا نقـول الجـو راقـي
يضحكنـا ويقفانـا بطعـونـي
ومن يأمن زمانه وش يلاقـي
مايلقا ألا زخاريـف الفنونـي
طلبت الله يثـب عظـم ساقـي
قنـوع ولا تخيبنـي ظنـونـي
ياسلام ياسلام
ياتركي
قديمك وجديدك كلها قمه
وصح لسانك ولاهنت يالقرم
|