[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سرى الليل والبن اليماني هو المشروب = وفنجال من بن اليمن عن ثلاث دلال
يا ناصر كرمت ودمت وإترك عليّ النوب = تجيك العلوم وكل عقده لها حلاّل
أقوم أنكس المنكوس وإلا أسحب المسحوب = ولاني بمجبورً على جرّة الموّال
مخيّر مخيّر لامسيّر ولامغصوب = ولاأزعل على الحادي ولاأرضى على الجمّال
ومن زاوية حد الدبيبه على الدبدوب = نويت أدفن الخبّاز في جرة الفوّال
على شان نصف الكوب يكبر ويصبح كوب = ونرتاح من الإزعاج كله وقيل وقال
على إيش إلتفاف الناس من كل حدب وصوب = مادام النهايه مش حالك ولعب عيال
تغرشاب غرشوبه يغرشب مية غرشوب = وهي بنت إيه وبنت فلّه وبنت رجال
تقول إنها تنـتاشهم نوش بالكلّوب = أو إن الرواتب صرفها حان للعمّال
شفيق وبشير ومرتضى وأكرم ومحبوب = ولا أدري من البنقال والاّ من النيبال
على أمر الكفيل يرهّمون الجموس جيوب = ويقرون كلمة عمد من دون حرف الدال
ألا يالكفيل الساكت إش حال كم الثوب = بعدما نفضت البشت خذ غترة وعقال
ترى كل خلق الله درو وشو المطلوب = فلا تحاول إنك تحجب الشمس بالغربال
نفوس الفلوس تموت من منتجً مضـروب = وأبو خمس طاعش تذبحه طلعة أم ريال
أقوله وأنا لاني بناهب ولا منهـوب = ولكن كذا من باب قوّه وكيف الحال !
خبير الحواسب يكتشف علّة الحاسوب = وخبير الهواتف يعرف يبرمج الجوّال
وراعي الزراعه بين غرس وثمر وحبوب = وراعي الغنم يرعى لو إن كلبوها رخال
ياكثر الحِرَف والرزق من ربـّنا مكتوب = ومسعىً لكسب الرزق ماعيّب الرجّال
ترى العيب عيب اللي ينافخ وفيه ثقوب = يضاير ويعنــنـّي عقاري ورجل أعمال
وهو فقريً شغال في المصلحه مندوب = وسيّارته خرده وجوّاله إستقبال
ولا فيه واحد في البشر ما عليه ذنوب = ولو قال عال العال ماهو بعال العال
عسى اللي عليه ذنوب قبل الممات يتوب = من ذنوبه اللي فادها دقاق والاّ جلال
جرى ما طرى قدح وصراحه وحبّ قلـوب = مع الله مع الله شاري وبايع ودلاّل
قريب الهقاوي يلبـس الثـوب بالمقلــوب = وراع النظر يرخي حبال ويشدّ حبال
ولا كلّ شـِفره تفتــح المـوقع المحجــوب = ولاكل حِبـّه يالأجـاويد حِبـّة خال
سوالف توالف ما يخالف ودوب ودوب = أنطـّـق بها العقــّال وآسكــّت الجهـّال [/poem]

من الذكـاء متابعة طاش ما طاش
........ وأكبر غباء إنـك تتابع خـواطـر !