|
شفت الشجاع اللي ابتسم في مماته ..!
السلام عليكم ورحمة الله وبركاته
أسعد الله جميع اوقاتكم بكل خير ...
واعتذر عن انقطاعي لظروفي الخاصه..
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
شفت الشجاع اللي ابتسم في مماته = قصه !! كذا مرت عليه وتبسمت
لاني لقيت القلب سوى سواته = وانا مع اللي صار له ماتألمت
لاني ابى اجمع ماانتثر من شتاته = واقول له لن طحت من بعدها قمت
والحظ لو شفته يزيد اعثراته = لا بد له وقفه وتفطر ليا صمت
ومحدن يدوم له الفرح في حياته = مادايم الا الله ولا انت مادمت
لكن لقيت الصبر احلى صفاته = وماخاب ظني فيه باللي تعشمت
حط الامل منهج يحقق مناته = وعرف يعامل لحظة الضيق بالصمت
قصة شجاعه والمحبه وفاته = فيها ابتسم !! وانا ابتسمت وتعلمت[/poem]
وسلامتكم ..
بعض المسائل ما تجي بالمجامل = لابد ما يحسم بها الوضع بإثبات
حتي يتبين كيف وضع التعامل = ما هو على قول المثل كيف ما جات
لو كنت تامل غيرك انسان يامل = يامل يلاقي حي في عالم اموات
|