السلام عليكم ورحمة الله وبركاته

شرفني اخي الشاعر المبدع / ماجد النصيف بقصيده قبل كم يوم على الرابط هذا :-

http://montada.mergab.com/showthread.php?t=38320

وهذا ردي عليه واستسمحه واستسمحكم في القصوور

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ماجد ولد بالود ياحيّ ذالعين = شعره يوسع صدر من ضاق باله
مايقطف الا من ورود البساتين = ولا يطرق الا ابواب شعر الجزاله
ارسل مناديبه على الربع الادنين = قبل شهر شوال ينقز هلاله
مير الضما قطّع تسبود البعارين = ويوم ابترم حبل الرشا في المحاله
سنّد علي العلم مرّه وثنتين = من باب الاخوه وباب الزماله
ياحيّ مندوب الرجال الميامين = الكيف فاله والكرامه عقاله
رحبتبه ترحيب غالي بغالين = وقال البقا وتراي على عجاله
وراي شغل وقلت الاشغال بعدين = عقب الكرامه جعل دربك سهاله
وقدام لاتمشي خذ الرد ذالحين = وسلم على ماجد وريث الاصاله
وقله يقول ابن قنيص الهوى زين = هوى الطبيعه حيّه وحيّ فاله
لايشتكي من فقد سيد المزايين = اللي جفاه اغلق نوافذ وصاله
الحب له شرط ونظام وقوانين = واحسن طريقه ودي اقولها له
يطلب يديها حسب سلم الوفيين = كانه على السنه يبيها حلاله
في الناس ياماجد صحاح ومجانين = والعقل نعمه والمجانين عاله
خلّ الكلام اللي بليا براهين = واخذ الكلام اللي عليه الدلاله
حب الشرف يحيي قلوب الشريفين = وتستنشق انفاس الغلا من خلاله
جمٍه قراح وجاله يضمّ قلبين = على النقا ماغثرب التسذب جاله
ماهوب حب مسحّبين الجوالين = اللي محبّتهم محبّة جهاله
تحت مسمى الحب تركز نياشين = وكلٍ ورى الثاني يلوي حباله
علمٍ وكيد وسجّله بين قوسين = قوسٍ على يمينه وقوسٍ شماله
ولاتوجد من فراق المحبين = الوجد غصنٍ مايظلل ظلاله ![/poem]

!!

.
.