[align=center]قديمة تتجدد من باب التواصل بـ مصافحتكم لها
وعلى قولة ابو محارب لـ علّها ترتقي لـ ذائقتكم ..[/align]


[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
على حسب توقيت قلبٍ تمنّاك=جيتي تشيلين الهنا بين أياديك!
جيتي وقلبك في سباقٍ مع خطاك=من لهفتك بان الوله في خطاويك!!
وأنا قبل لاتضمّ يمناي يمناك=قمت بعبارات التحايا أحييك!
يامرحبا مليون .. مليون حيّاك=ياأغلى بشر فوق الوطا عند مغليك!
أهلاً بتشريفك .. وسهلاً بلقياك=القلب قلبك .. والأراضي أراضيك!
ونبضات قلبي من فرحها برؤياك=تزاحمت عندك .. وصفّت حواليك!!
نبضه تأمل في براءة محيّاك=ونبضه تغزل في عيونك وخدّيك!
ونبضه تصونك بالمحبه وترعاك=ونبضه تذوق الشهْد من بين أشافيك!
وبقية النبضات لأجلك .. ولرضاك=قامت بورد الفل تفرش مماشيك!
وبعد التحايا يامليكة من أغلاك=القلب ماله طاريٍ غير طاريك!
في غيبتك .. مامرّ يوم وتناساك=دايم بكل الخير يذكر ويطريك
والعين ملّت شوف غيرك لعيناك=عافت لذيذ النوم ، وأضحت تناجيك !
حبيبتي ماعاد أقدر على جفاك=ماعاد يرضيني السفر كان يرضيك!
ماأبي السفر يبعدك .. وآنا أترجاك=لاعاد يجي له طاريٍ في طواريك!
ولاتحسبيني طامعٍ في هداياك=لا والذي سوّاك .. واللي محليك!
سماع همسٍ ينبعث من شفاياك=وشوفة عيونٍ ناعسه مثل عينيك..
أكبر هديه .. وأقسم برب الأفلاك=إني أقول الحق مافيه تشكيك!
هذا اللي عندي .. وإن قصر شي يفداك=ياأغلى بشر في قلب خلك ومغليك!! [/poem]

أستغفر الله الذي لا إله إلا هو الحي القيّوم وأتوب إليه ..

Ask me