سداح

.
ياشاعـرة جيلهـا يافاتنـة جيلـي
ماني مقدملك اعجابي على الطايـر

خليني شوي لين اقف على حيلـي
واهدا واروّق ويركد دمّـي الفايـر

والا افهميها حسب فكري وتحليلـي
وان سرت لاتنشديني وين انا ساير

مادام سيلك مع الوادي جرف سيلي
مجبور اوقف واقاوم حملي الجايـر

ماودي اضرب نهاري في طرف ليلي
واصير قصه مابين العضو والزايـر

لذلك احسن لي من الحط والشيلـي
اطفي الكمبيوتـر وامصـع الوايـر
.




من إبداع / عبدالله بن قنيص ،


..