السلام عليكم ،


الحدث أكبر من مربع التوقيع .. رحم الله الشيخ الكبير والقدير / عبدالعزيز بن جامع الرويس وأسكنه فسيح جناته مع عباده الأبرار ..

متواضعه أصغر من حجم الشيخ الفقيد ومحبتنا له أرجو لها القبول ..



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
نوافذ خاطري تفتح على اللّي يطرق البيبان=طواري والطواري لو تجي وتروح مشكوره

أجاملها ولوّ ما تستحقّ الشّكر والعرفان=وأنا قلبي بمفتاحه وقفله حابس شعوره

ولا أدري وش تشيل و وش تخلّي سلّة الأحزان=ليا قامت تغيض وتمتلي بالشرّ مذكوره

توريّنا من أحداث الليالي ما أستدار وكان=مشاهدها تعلّ قلوبنا بالصوت والصوره

أبن جامع توفّا .. والمدامع جالها برهان=ليا هلّت على زيزوم روس القوم معذوره

رحمك الله يا شيخ المكارم وأشهر الشيخـان=شهر فعله على غيره لو الشيخان مشهـوره

رحمك الله يا راس الوفاء ومعّـرب الجـدان=طويل الباع محمود النبـا والنـاس مخبـوره

رحمك الله يا يمنا ً تمـدّ الجـود والإحسـان=تجود وعن مذاخير الكرم ماهيـب مقصـوره

رحمك الله يا بو مرحبـا للضيـف والجيـران=طليق الوجه ومحيّاه زاد النـور مـن نـوره

رحمك الله يا العقل الرزين الوافـي المليـان=حكيم وتستدلّ الناس من رايه ومـن شـوره

رحمك الله يا ذخر القبيله يوم شانـك شـان=حجاها والعرب كل ٍ علـى قـدره ومقـدوره

رحمك الله يا بوخالد عساك من المعين معان=فقيدتنا الكبير اللي لمسنـا العـزّ بحضـوره

رحمك الله وبإذن الله تفوز برحمـة الرحمـن=ذنوبك جعلها يوم النشـر والحشـر مغفـوره

رحمك الله ويا جعلك من الله تكسب الرضوان=وتآرد فوق حوض المصطفى والنفس مسروره

أعزّي بالنيابه عن عتيبـه ربعنـا الروسـان=ولوّ أنّ التعازي مع جميع الخلـق منشـوره

عسى الله يلهم اللي فاقدك بالصبر والسلـوان=مضا حكم القضاء والحيّ منّا واصلـه دوره ! [/poem]


وسلمتوا ،،