على الكون يا اهل الكون منـا عتـاب ولـوم
ورا البوصلـة تقلـب وتعـكـس مواقعـنـا
ورا الشمس غابت عن فضا المشرق المكلـوم
ديـاجـي اللـيـال الخرمسـيـات يفزعـنـا
وعلى الغرب شمس(ن)في فضاه وسحب وغيوم
تـرى الشمـس حنـا والسحايـب مدامعـنـا
سقـى الله زمان(ن)فيـه كنـا فلـك ونجـوم
تـلال الثـريـا كـانـت ادنــى مرابعـنـا
بعـد مـا اتبعنـا سنـة الهـادي المعـصـوم
وصـار النسـب باسلامنـا يــوم جمعـنـا
ونوينـا نبـث النـور فالعـالـم المـحـروم
سنـا المجـد يجذبـنـا والاســلام يدفعـنـا
وكانـت ذخايرنـا صـلاة وزكـاة وصــوم
وعقيـدة وذكـر(ن)مـا يـفـارق مسامعـنـا
حكمنـا وصـار الكـون بيدينـنـا محـكـوم
وجميـع الخلايـق رهـن اشـارة باصابعنـا
محى نورنا نـار المجـوس وصليـب الـروم
وصـارت ملـوك الارض فـالارض تتبعنـا
وطينا النفـوس اللـي تشيـل الكبـر والـزوم
ورفـع قدرنـا بالكـون هيـبـة تواضعـنـا
نشرنـا ضيانـا فـي دجـا العالـم المنجـوم
ديـاجـي التخـلـف بددتـهـا مطالـعـنـا
عطينا الزمـن قيمـة ملينـا النفـوس عـزوم
نثرنـا المعانـي فـي حيـاة(ن)بـلا معـنـى
لكن الشـرف والعـز والمجـد ضـاع اليـوم
بعد ضـاع منـا الديـن عـن مجدنـا ضعنـا
لهيـنـا بدنيـانـا ورحـنـا بغـفـوة نــوم
غفيـنـا قــرون وضيعـتـنـا روابـعـنـا
صحينا لقينـا مجدنـا اللـي مضـى مهـدوم
وعلى انقـاض ماضينـا بكـت عيـن واقعنـا
لقينـا مواكرنـا سكنهـا الـرخـم والـبـوم
تغـذت وكبـرت والثمـر مــن مزارعـنـا
ولا باقي من الماضـي العـذب غيـر حلـوم
زمان(ن)مضـى ولـيـا ذكـرنـاه يشلعـنـا
علـى سالـف الامجـاد فينـا اسـى وهمـوم
همالـيـل ذكـراهـا تسـاقـي مواجـعـنـا
فسخنـا المعـزة وارتدينـا الهـوان هــدوم
وطعـام القهـر والـذل والغـبـن مشبعـنـا
بعد مـا ملكنـا القـوم صرنـا حـلال القـوم
عـدانـا ولتـنـا ثــم قـامـت تـوزعـنـا
وصرنا بضاعـة كاسـدة مـا يجيهـا السـوم
وخـسـران شاريـنـا وربـحـان بايـعـنـا
وكــان اعتبـرنـا ذلـنـا واقع(ن)محـتـوم
وعـن سقطـة استسلامنـا مــا تراجعـنـا
ترى اشرف لنا مـن مجلـس الغانميـن نقـوم
وبــدال الغـتـر نلـبـس ....... .........
ابو فالح
الشهاده مجروحه ويقطر دمها
لاكن صح لسانك يامبدع صح لسانك وبيض الله وجهك وفي انتظار ابداعاتك القادمه
|