[align=center]السلام عليكم ورحمة الله وبركاته

لم اقرا قصيدة محمد بن رشيد في مدح مرزوق بن لفى الله يشفيه الا قبل ليلة تقريبا

الله يبيض وجهه على كل ما قال وهو وربعه هل الاولة دايم

وهذا رد بسيط اعلم انه لن يرتقي الى مستوى اخوي محمد ولكن العذر من محمد ومن الجميع[/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
القاف له عندي عهود ومضامين= ما اجيه غصب ولا يجيني غصيبة
على الوفا والطيب دوم متخاوين= وعلى العلوم الغانمة والاديبة
وليا نخيته فز ما قال بعدين = ولا بيني وبينه رسوم وضريبة
واللي جذبني نادرات التلاحين = قاف ٍ لابن رشيد قام يحدي به
شاشت له هجوسي وهلت ودادين= وخلت فياض الفكر خضرا عشيبة
يابن رشيد القرم ذخر السلاطين= اللي على العليا تحث النجيبة
الاد زراق الكرام الميامين = اهل الوفا واهل السلوم العريبة
للضد لد وللموالي بساتين = وعلى العدو تفاقهم يندعي به
وقت ٍ مضى يوم الفتن والاكاوين= دقلاتهم بين القبايل مهيبة
وان جوا بسرد ٍ فوقهن النياشين= ما يضربون الا النحر والتريبة
كم شعثروا فرقان بدو ٍ عزيزين= وكم رملوا زوجة وبكوا خطيبة
عينت ابو خالد زبون المجلين = عينت نجم ٍ من سرا يقتديبه
مرزوق نبع الجود ريف المقلين = سهل الجناب لكل من يلتقي به
ريف الهشالا اللي من البعد سارين = منصى الشيوخ اهل العقول اللبيبة
من يم بيته فجر قبل المواذين = تفوح ريحة زعفرانه وطيبه
صبح وظهر عصر ٍ وبين الصلاتين= وعقب العشا من قابله يحتفي به
محفل نشامى واجتماعات وافين = والعود الازرق والدلال الربيبة
يعطي وكن اللي خذوا منه معطين= ولا عذرب الغافل ولا عد عيبه
ماهيب لحية جود شهر ٍ وشهرين= ولا ريا والا علوم ٍ مريبة
لا والله جوده سنين وسنين = وجبلته جوده بجاهه وجيبه
اليوم حاله ما يسر المحبين = من شاهده هل الدموع السكيبة
عقب البشاشة والطرب والنبا الزين = اليوم منهو يندهه ما يجيبه
ولايحترك بالجسم ياكود عضوين= عقب المرض هده وجسمه بلي به
عين ٍ ترحب لا بدا زول لافين = واصبع لربه رافعه يرتجيبه
يالله عساها لابو خالد تهاوين = ويالله بلطفك ياولي تعتني به
ويالله من مدك تمده بثنتين= اجر وشفا يا جعلها من نصيبه[/poem]