على بقاياليل فيه الشمـع مـلّ مـن الظـلام
لاالشمع ذاب.. ولاأنتهى ليلي.. ولاحصّلت نوم
وشوشت شمعه ..وأنثنت يمي وتمتمت بكـلام
رسمت فيه الدرب للأفراح من بيـن الهمـوم
ورتّبت ربكة حلم ضمّيته على صـدري ونـام
وصحّيت باقي هم صبحـه ينتظرميـلاد يـوم
ومابين حلم ..وهـم قادتنـي مشاويرالغـرام
لاطلال جرح وفلسفـة شاعرتساقيـه الغيـوم
حتى تنامت ذكرياتـي فـي محطّـات الهيـام
علـى يقيـن حلـو الحـال حالـه مايـدوم
ومـادام هـذا الحـال مهمـادام ماهوللـدوام
والحظ مهما طاح بي لازم يجي يـوم ويقـوم
باجمع شتاتي ..واستدرالبوح من بيض الغمام
واركزبقايا عزتي رايه علـى روس الرجـوم
وألوم عثرات الزمان اللـي تحوّلنـي حطـام
ولا أنت ياشعر رفيع الشـان مايلحقـك لـوم
لأنك أجمل شي في عيني ولك عنـدي مقـام
إليـا تنفّستـك مـن الآلام ..والآلام كــوم
يسيل صبحي في وداع الليل ..ويطيح اللثـام
عن وجه نكتب من تفاصيله تباشيـر القـدوم
على بقاياليل فيه الشمـع مـلّ مـن الظـلام
لاالشمع ذاب ..ولاأنتهى ليلي ..ولاحصّلت نوم


مدري وش اقول امام هذا الشعر الفااااخر


صح لساااانك يا مستور


لاهنت وانا اخوك