لاأظنها تشفع لي بهذا الانقطاع .!
لكن أقبلوها ..والعوض بالمقبلات

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على بقاياليل فيه الشمع ملّ من الظلام =لاالشمع ذاب.. ولاأنتهى ليلي.. ولاحصّلت نوم
وشوشت شمعه ..وأنثنت يمي وتمتمت بكلام =رسمت فيه الدرب للأفراح من بين الهموم
ورتّبت ربكة حلم ضمّيته على صدري ونام =وصحّيت باقي هم صبحه ينتظرميلاد يوم
ومابين حلم ..وهم قادتني مشاويرالغرام =لاطلال جرح وفلسفة شاعرتساقيه الغيوم
حتى تنامت ذكرياتي في محطّات الهيام =على يقين يقول: حلو الحال حاله مايدوم
ومادام هذا الحال مهمادام ماهوللدوام =والحظ مهما طاح بي لازم يجي يوم ويقوم
باجمع شتاتي ..واستدرالبوح من بيض الغمام =واركزبقايا عزتي رايه على روس الرجوم
وألوم عثرات الزمان اللي تحوّلني حطام =ولا أنت ياشعر رفيع الشان مايلحقك لوم
لأنك أجمل شي في عيني ولك عندي مقام =إليا تنفّستك من الآلام ..والآلام كوم
يسيل صبحي في وداع الليل ..ويطيح اللثام =عن وجه نكتب من تفاصيله تباشير القدوم
على بقاياليل فيه الشمع ملّ من الظلام =لاالشمع ذاب ..ولاأنتهى ليلي ..ولاحصّلت نوم [/poem]محبتي ..

أبوشاهر