(يامنتدى المرقاب واصل تميزك***ياخزنت الموروث ياطيب الصيت)
اعزائي اعضاء وزوار مرقابنا العالي إليكم هذه البويتات مع التحيه
[poem=font="Simplified Arabic,5,black,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
أنتهج لاضاق صدري وسيعات الفجوج = واتخير لي طريقٍ خلاوي وانهجه
ينفرد بي هاجس الشعر وبحربه وادوج = واتقنص صيد بحر القوافي وارهجه
اعشق الجزله لها هاجسي دايم سجوج = بين فكري والطروق الجزيله سوهجه
ناضجٍ فكري والابيات ينضجها نضوج = اعذب الشعر اكذبه واطيب الفكر انضجه
الشعر له وزنتٍ لايهس ولايموج = قافيه مع وزن مع قو معنى مدرجه
مايجيده غير شاعر يعدل كل عوج = لابدا به عارفٍ مدخله من مخرجه
شاعرٍ يبوج غبت بحور الشعر بوج = مبدعٍ لامر بيته على الصدر اثلجه
يوم صار الشعرمهنة كثيرين الهروج = اعبثوا به عالمٍ لاعقول ولامزجه
الهديرمن الجمل والحنين من الخلوج = والصهيل من الفرس لاتعليت اسرجه
وخيل فكري كل ماصال روجٍ بعدروج = كل شاعر لاقراء ماكتبته يبهجه
ان كتبته فالمدح وان كتبته فالغنوج = وان كتبته فالوطن زاد حبه واوهجه
بس هم القلب لاراح فوج جاه فوج = كل ماقلت انجلا جاه همٍ و ادهجه
طال صبري والامل والاماني فالدروج = يطلع الحض ادرجه ينزل ادرجه ادرجه
مثل ماللدهر ميلات للأيام موج = ذقت من ميل الدهر مر شريه واحدجه[/poem]