يا وسع صدري مير للضيـق مرهـون
وأن ما توسّـع كلّـه .. يضيـق كلّـه
يمشي تحت رهن الإشاره على الهـون
وترمي عليـه مـن السلـوك وتتلّـه
وسلوكها ما بيـن ناشـف ومدهـون
وصـدري ليـا قامـت تلامـس تعلّـه
أحيان أجامـل وأتـرك السـدّ مدفـون
وأضحك مـا بيـن الخطّـر المسفهلّـه
وأحيان أجي مشحون .. وأروح مشحون
وأقـول مـن يعقـد حجاجـي يفـلّـه
ثـلاث تحكمنـي ولا قلـت وش لـون
المعرفـه .. والعاطفـه .. والجبـلّـه
العقل صاحـي لكـن القلـب مجنـون
والكـل منهـم نظـرتـه مستقـلّـه !
الله الله
سلامتك من الضيقه ياسداح
صح الله لسانك وكالعاده تحضر للأمتاع يامبدع
تقبل سلاااااااامي...
|