على طاري الأشواق والحـب والغاليـن
نسيـت السنيـن الماضيـات وتذكرتـك
وعلى طاري الأحزان والهجر والمقفيـن
رميت السنين اللي بقـت لـي وناظرتـك
أبيهـا بقربـك دامنـا يـاغـلا حيـيـن
وحط العمر تحت إيدك وسنده وإرتـك !!
وسولف عن اللي فات لك وإشبع من العين
غموضي., وقول الظاهر بنوري أجهرتك
وانا أقول يا أول حب أحبك وأظل إيليـن
يوقف طريق العمـر فينـي بآآخرتـك !
وقول إني اللي تعشقه من ثـلاث سنيـن
وانا أقول خذني معـك مـادام صبرتـك
وقـول الله الله لا تناسـى مـع الناسيـن
وانا أقول يـا بـاب الغرابيـل سكرتـك
وبقول انا رايح وقول انت (رايح ويـن)؟
وأقول العذر في طاري الحـب سهرتـك
وقول انت مليت الحكـي نكلمـه بعديـن
وانا أقول ( لأ ) وتقول بيباي أخرتـك !!
أفكر وأقول الله خلقنا بشـر مـن طيـن
وإذا شفت زولك ياهوى بالـي إحترتـك
تحديت انـا ويـاك مـن بالفـراق إيليـن
وضديت نفسي لأجل نفسي وناصرتـك !
مقدمك عن نفسي لنفسـي عشـان تبيـن
ولو ضعت من بيـن المعاليـق دورتـك
ولـو خيرونـي بالفـرح بينـا الأثنيـن
تعذرت مـن نفسـي وحنيـت وإخترتـك
انا أقول وانت تقول لكـن تحـت خطيـن
انا قبل لا أحبك كـذا ... ماتصورتـك !!
هنا شعر شعر شعر شعر وابداع
صح لسانك ياعبدالعزيز وسجل الاعجاب والمتابعه الدايمه
|