[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الحمد للرحمن رب السموات = رب فرض خمس الفروض وكتبها
قام القلم يكتب من العين عبرات = على الورق دمع العيون وغضبها
تمطر قهر تمطر تناهيد وأبيات = تشكي وتلعن حظها اللي نكبها
والله قهر يازمن تحرق الذات = نارك تولع من ضلوعي حطبها
الناس ضدي بين حاسد وشمات = مثل العقارب سمها في ذنبها
والله سندني بالسيوف الشطيرات = أخواني الغالين صفوة عربها
والعود وصاني على الطيب بالذات= أصبر على الأيام وأغلب نشبها
أموت مااقرب العلوم الرديات = أخذت درس في الرجوله وأدبها
مثل الجمل رمز الحمول الثقيلات = مايشتكي من جور حمله سببها
والناس توصف بالذهب والجنيهات= ويفرق لميع نحاسها من ذهبها
مناحي الفرزة[/poem]

جعل من لامني في حب بيض الخدودي
...................ماتفارق عيونه من حياته شقاها
الهوى عارفينه من زمان الجدودي
.................واجمل العشق بنت طاغيه في حلاها