منتديات المرقاب الأدبية - عرض مشاركة واحدة

28-04-2008, 11:33 AM

ياكثر الليّ بقوله .. بس ياصبري لعزمـك نـاد
انا ماعاد لي خاطـر علـى النفـس وخوافيهـا
يحركني شعوري كـل ماهـب الهـوى وازداد
على لحظة لقـاء لازالـت اعيونـي تراعيهـا
ليا من جيت له ماعـاد للهجـري ولا الميـلاد
تواريـخٍ ولا شـهـورٍ نسميـهـا بأساميـهـا
اسج بعالمه واقول .. ياحسن البهاء وش عـاد ؟
مابـه زيـنٍ يحالـي قبلـةٍ ربــي محليـهـا
ليا منّه دعاه الشوق .. حـرّك نشـوة الميعـاد
واجيـه اسابـق الساعـه وتسبقنـي ثوانيـهـا
على شوفه براكيـن الغـلا وأشعورهـا وقّـاد
سناهـا يجـذب اللـيّ ليلتـه ماعـاد يسريهـا
عديت وذاب قلبي في هـواه وجيـت لـه ورّاد
وزهدت بفارعات الطـول والشهـره وداعيهـا

الله الله الله الله

ياسلام ياسلام على قمة التمكن والابداع يا ابو حمّود

قصيده قمه في كل شي تمكن وصور رائعه وحبك وسبك لا يجيده سوى المبدعين امثالك

صح الله لسانك يا ابو محمد على ذا الثوره الادبيه الراقيه

تحياتي