[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


البارحة شفتك ؛ على شفة طفل !!! = مديت صوتي باحضنك بس استحيت

حسيت في صدري خُطا ظبي جفل = جاريت مركاضه مع الصوت وسريت

آراقب النجم البعيد اللّي أفل = وإذا توارت لمعته عنها سميت

متعوّدٍ صدري على حدّ النّصل = لوّ كان لي تربه وطيته ماحتذيت

يا صعبها تعريف لحظات الوجل = والأصعب انّي رغم هذا ماشكيت

من دلة غيابك تجرعت الفصل = ازريت للصّباب لا قول اكتفيت

يا سيّد وجيه الغياب ؛ اللّي حصل = انّي شربت بغيبتك حتى ظميت

لوّ يتعب السارح ورى شُرد الهمل = فأنا سرحت لشاردك ولا ضويت

أخالف ظنوني واوسدها الأمل = وانشر لها في ركن صبري مانشيت

وارتل آمالي عليها مُسفهل = فيلا حنت ليّ خذت يدها وارتقيت

ارقى بها أقصى مجرّات الجهل = لين انقطع بي شسع حلمي واحتفيت

أحاول اقنعها بقولٍ مبتذل = من عام أدوّر زبدته ولا هتديت

آمال ما صدّق أمانيها العمل = نبتت على جرح زرعتَه وانتشيت

يا نشوة أفعال على حد الزلل = تحصد وراها المُر لوّ مهما جنيت

نصرٍ تعيشه نصر كاذب مفتعل = لا تحسب انه نصر وأسأل لو بغيت

لاترفع اشراعك على كثب الرمل = يخونك المجداف لو فيه احتميت

حاول تصالح عذقك الّلي في النخل = اغدق عليه الري تلقى أنك رويت

تلقى لك بصدري حمايم تحتفل = تفرش لك الجنحان زلٍ لا مشيت

حن هكذا نحرث حكايات الأزل = نعيدها ما بين (لوّ) وبين ليت

هذا الورق من خاطري غرق وثمل = هذا القلم يكتبك رغم أنك جفيت[/poem]

حسابي في تويتر
http://twitter.com/#!/Alsalem15