[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البـارحه مسـرى ومعـراج = من منطلق تآخير تقـديم
سجـّه ودولاجه ودولاج = حسب المبادي والتعاليم
ما جيت أدوّر فلـّة حجاج = معزوم من ضمن المعازيم
يسهر فرج وينام فـرّاج = وداهم يقوم ويقعـد دْهيـم
على معـلاّ يابو سْـراج = قـسّم عليه أحلى التقاسيم !
لو غبت يا قطـّاع الأوداج = ما ناب مسـّاس المرازيم
لإسكندريه مثل سوهـاج = صجـّه ولجـّه ماش تنظيم
سجين واحد حصـّل إفراج = والسجن كم وسطه مظاليم!
إهرج يا ساكت وأُصّ يا حاج = يعني ترى في جوّكم غيم
والعلـّة اللي مالها علاج = شكـوى الفقـارى للمعـاديم
إحراج لا ما أظنـّه إحراج = لكـن علاج الضيم بالضيم
شان الـزمان وباح هـدّاج = والعود يبـْس وماتت الهيـم
حتى زبون البشـت والتـاج = ورَد محيم وصـدّر محيم
دوّج ولو ماهو بـدوّاج = يلعب عليه مـذيـّر الريـم
كذا الرقاب السـمْح تنعاج = والعـوج ما تحتـاج تقويم
العـلم له مدخـل ومخـراج = ما عاد فيها زود تفـهيم
وأن كربج الموضوع كرباج = بإيـبرهمـه بعـده براهيـم
راعي نياق وراعي نعاج = متخالفينً في المفاهيـم
الوضح مشرى ماهي إنتاج = وأغلى وأحب من المجاهيم
واللي وراها لطـم الأمواج = من دونها الحـدب الصواريم
واللي مشـيّد حولها سيـاج = مافيه منـها واحدً سيــم
هرجة نقـا من غير دبلاج = جابت خبر راعي البراشيم
راحت وجات أفراد وأزواج = ويا حظ من يحتاج تعليم
درى إن ليلـى غير الأفلاج = وإن الوعد في روضة خريم
وإن السرايا غير الأفـواج = نوب إستلام ونوب تسليم
الوجه رهــّم بالتمكيـاج = ولا أنعرف للطبع ترهيم
ماني بأدحرجها تـدحراج = حان الوعد يانقطة الجيم
ما طوّلك ياروس الأبـراج = الاّ خشومك يا المـلاليـم
يا لافتـة ممنوع الإزعاج = تعلــّقي في برطم شريم
إليا هنا بإنـتاج وإخـراج = واللي يبي تحليل تحـريم
أقرى عليه أن كان يحتاج = ألم ترى وإقرى وحا ميم ![/poem]

من الذكـاء متابعة طاش ما طاش
........ وأكبر غباء إنـك تتابع خـواطـر !