شاعرنا الفذ / حاتم البراك
عليكم السلام ورحمة الله وبركاته
والله مدري كيف ارد واشهد الله انك من المبدعين اللي اتعب في ايجاد طريقة رد منصفه لما يقدمون برغم عدم حاجتهم للمدح والإطراء
مع فجوج الفكر سجيت واطلقت الخيـال
ماقهرته ليـن زرت السّمـا ونجومهـا
راح يجنح من جنوب السنين اليا الشمال
نوب امجّـد ذكرياتـي ونـوب الومهـا
لين خليت الروابع تحـت روح وتعـال
في مـزاد البـال واحدّهـا واسومهـا
كل جرحٍ جال في خاطري جاله مجـال
والجروح اقل تفكيـر يجـرح صومهـا
يابنات الفكر لو شيّبـت روس العيـال
لحية الشايب من الشيب وش مقسومها
حلّ وقت الحِلّ والحول بالترحـال حـال
وارتخى متن الليالي لحمـل همومهـا
المسا لاطق باب السمـا والظـل مـال
يسلب من الحرّ حريّتـه فـي حومهـا
والزمن ليلٍ بـلا نـور ودروبٍ طـوال
المتاهـه بيـن وديانهـا ورجومـهـا
ينسرق عمر الفتى في درق سمر الليال
بين الم قسوة سهرهـا ولـذّة نومهـا
ياهوى نفسي وقوفك على الاطلال طال
وش عرفت اليوم من مرمسات رسومها
لاتراودك الحسايـف ويغريـك الجمـال
حرّمت كل المراضع علـى مفطومهـا
ماتشوف الشمس تشرق وسعى للزّوال
سنّـةٍ فيهـا تجلّـت عِبـر قيّومـهـا
انفتح بـاب التكاليـف والهـمّ الجـلال
وانكفت ليلة رخى الحال واقفى يومهـا
مايعيش العمر كلّه ثني غيـر الغـزال
والسباع تقودهـا للمشيـب عزومهـا
الله الله الله
صح لسانك يا مبهر
صح لسانك يا مبدع
صح لسانك يا استاذ
مايعيش العمر كلّه ثني غيـر الغـزال
والسباع تقودهـا للمشيـب عزومهـا
مايعيش العمر كلّه ثني غيـر الغـزال
والسباع تقودهـا للمشيـب عزومهـا
مايعيش العمر كلّه ثني غيـر الغـزال
والسباع تقودهـا للمشيـب عزومهـا
للللللللللله درك ،،،
..
|