[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على اللي من حفيزه مطلعينه من طراز الحـوت=تشابـه فرتـه فـر القطـى لاأخلـى مقاييلـه
عليه محرك الكونكورد يضفـي فوقـه الكبـوت=يعد اللي علـى الطبلـون مـن ثالـث تباديلـه
تحكم مركزي في طارتـة باللمـس والريمـوت=على شاشة من كرستال يعـرض لـك تفاصيلـه
تساوى الخط قدامه يسابـق سابقـات الصـوت=تحت جنح الظلام اللـي نجومـه نـورت ليلـه
عريض المنكبين افجح يفـوت ولايفوتـه فـوت=سناء نوره سناء برق ٍتكاشـف مـن مخاييلـه
فجر صدر الظلام اللي نجومه في سماه اخفـوت=طرق عـداده ارقـام الوكالـة وانسـدح ميلـه
تنحى وانتحى واللي على الطـاره ولـد نعتـوت=ثنى رجل وعرض رجل وجمع ناتـج محاصيلـه
من البحر الخليجي من ورا ء مشعاب شاته شوت=توجه صوب علوىنجد مـن غـرب ومداهيلـه
دعاني لسفر من حبها فـي ضامـري منحـوت=وسومه في جـدار القلـب واد ٍ ناحتـة سيلـه
حداني دونها وقتي وقفتبـي ضـروف القـوت=ثلاث اسنين مقفي والتفـت وازريـت لا اجيلـه
تفضل هاك معدال الرضـا لـو ماعلـي اثبـوت=تعاتبنـي بصـدي والليالـي مابـهـا حيـلـه
مواثيق الوفا ماضاعـت الا مـع ردي سمـوت=عليك الله وامانه لو رحـل جيـل ٍ بعـد جيلـه
انا بدونك تقول اني لاحالي فـي خـلا ًسبـروت=وقلبي مثـل مـا انـت بخابـره ماتلتـه زيلـه
تقبـل يقبـل الله دعوتـي والمسلميـن اقنـوت=عسى اللي مرنـي فالوقـت ماتشكـي بهاذيلـه[/poem]