السلام عليكم ،


الحقيقه لست ممن يجيدون شعر الغزل
مير ابو ثلاجه حاجز التوقيع والا مكانها في رفوف ثلاجته
بويتات متواضعه على طرق أخمّه وأخطيه ..


[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
حبيبي لا تقيّدني وأنا حرّ وعريب جدود= طليق ولا أعرف القبضان ولاني من رعاياها


لا تربطني تحت حكم الشروط بحبلك المشدود=وتحجزني بحكمك في شروط ٍ ما شرطناها !

أبيك تحبّني .. لكن ما أبيك تحبّني بقيود=علشان المحبّه ما تقوم إلآّ بمعناها

وأنا لا أخفيتها لا بدّ ما تلقا عليّ شهود= تفضلّ وأفتش ضلوعي ودوّرها وتلقاها

تحاصرني وانا ما أرضا الحصار وسيفه المحدود=وأبادرك العتب وتفضّها سيره وتنساها

أصارحك بخفايا خاطري وأقود قلبي قود=وأسلّم لك مفاتيحه من أوّلها ليا أتلاها

وانا قلبي بحبـّك كل ما هبتّ عليه النود= طيوفك قام يجمعها ويكتبها ويقراها

على منسوب دمه قام منسوب الغرام يزود=يغيض وكل ما فاضت عروقه قام يملاها

علامك ليه تحجبني عن العالم وأنا موجود=ما تدري غيبتك حلّت بعيني وأشربت ماها

ترفق وألطف بقلب ٍ بذل لك صادق المجهود= رفع كل البيارق وأنت بعيونك تحلاّها

لو أنّه ما يحبّك في غيابك ما رعاه الدود= يعيش الفقد والفرقا تلوّح له بيمناها

على غضن الجفا علّقت قلبي فـ آخر العنقود=وخلّـيت الهبايب تدفعه في حكم مجراها

لعلّ الوصل يبقا .. والقطيعه بابها مسدود = لو أنّ الحب لغز .. وله رموز ٍ ما فهمناها ![/poem]


وسلمتوا ،،