حسن على الهاجري
ابتـدي باللّـي تعـالـى عــن عبـيـده
ربّـنـا الـلّـي مــا لـنــا ربّ ٍ ســـواه
كل ما في الكون في حكمـه وبيـده
نأتـمـر بـأمـره ونـتـرك مــا نـهــاه
من يطيعه عاش في عيشه سعيده
والتعـاسـه والشّـقـا لـلّـي عـصــاه
وبعد ذكره مـن بغـى شـيء ٍ يفيـده
ينتبـه لــي لحـظـة ٍ عـنـدي وصــاه
القنـاعـه كـنــز وأحـــذر لا تـبـيـده
والـطــمــع داء ٍ ومــعـــدوم ٍ دواه
والتواضـع ثـوب للنفـس الزهـيـده
والكـبـر ذنــب ٍ ويــا مكـبـر خـطـاه
والوفا مطلوب في عـرف وعقيـده
والخيانـه جـرح مــا يجـبـر عــزاه
والكرامـه عـزّة النفـس الرشـيـده
مـن فقدهـا مـا لبـس ثـوب الغـنـاه
والكـرم ممـدوح وخْصالـه حميـده
مـن مشـى بـه يـا كبـر والله جـزاه
والبـخـل مــا زوّد بْخـيـل ٍ رصـيـده
مخبـلـك يالـلّـي تـبـي تـربــح وراه
والاخــوّه خـيـر وعْـلاقــه وطـيــده
والتـفـرّق شــر مـدهــال الـوشــاه
ومـن يعـودك بالوصـل لازم تعيـده
والمقصّـر بالوصـل واصــل مـعـاه
والمراجـل مـا لهـا غـيـر الولـيـده
والـردي فـي الّلازمـه يعطـي قفـاه
وكم شجاع ٍ مات يسوى لـه بديـده
وكـم جبـان ٍ حـي مـا يسـوى ثـراه
والسّـلـوم الطيّـبـه تـبـقـى سـديــده
مـــن يـجـوّدهــا تـهـنــى بـالـحـيـاه
ومــن يخالفـهـا تمـثـنـى بالنـقـيـده
تقـصـر ثيـابـه وفعـلـه مــا كـســاه
وانت ياللي تسمع الشعـر وتريـده
جـاك قـاف ٍ معتلـي فــي مسـتـواه
مـن ضميـر ٍ للنصـايـح فــك قـيـده
وانطلـق يبـدع فرايـد فــي امْعـنـاه
صح لسانك يابو علي
مبدع وممتع كعادتك
قصيده شامخه ومعاني ساميه
تحياتي
|