[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أحبّ حرف العين وأحبّ مبداه=حيث إن فيه من الطرايف طروفه
ياوليد لانادوك بالعين قل هاه=اسمك يذكّرني مبادي حروفه
باللي لعل بجنّة الخلد ماواه=عودٍ عن الهزلات نفسه عيوفه
ليا سمعت اللي ينادون بنداه=قمت أتخيّل كن عيني تشوفه
ويفز قلبي كل ما أسمع بطرياه=فزيز ذيبٍ غافلٍ زاد خوفه
من يعرفه وده يسمي مسماه=يبا الولد به خصلةٍ من وصوفه
مدري يبا يمسي ويصبح بذكراه=في الصدر سرٍ ماكشفنا ظروفه
مثل الجمل زومان يابعد ممساه=ضارٍ على قطع الفرج والكلوفه
ينصى اللزوم اللازمه ماتعداه=لاجات سكّـر خطها ماتطوفه
بيت الكرم والجود من ساس مبناه=لاهبّت النكبا تذرّي رفوفه
ودّ إني أذكر من طرايف سجاياه=يبر جيرانه ويكرم ضيوفه
ولاشال مشعابه لربعه وحنّاه=ولا أرخى السموع لقول كل مخطوفه
على الوفاء والدين والصدق مسعاه=خصائله بين الرجال معروفه
من بادله بالطيب مايلحق أقصاه=له جانبٍ ليّن ونفسٍ عطوفه
وياقشر حظ اللي يشانيه قشراه=أصعب وقوفٍ بالشجاعه وقوفه
سافر ووصّى له على الدين بوصاه=ودنياه ماسافر وباقٍ حسوفه
عساه يظفر بالجزاء عند مولاه=يلقى الشفاعه في نهار النكوفه
أود من له قلب يسمع وصاياه=بين الرجاء والخوف يرفع كفوفه[/poem]


هادي بن عايض بن شنيف