السلام عليكم ..

نص متواضع اقبلوه كما هو ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه والكلام يّعيش صمت الكلام=يحكي ولكن وين اذن" تبي تسمعه
مابين حكيه ومابين المسامع خصام=لو كلمته قالها من ضيق مدري سعه
يا جرهد البيد ما يروي ثراك الغمام=حتى لو المزن فوقك ناثر" مدمعه
لا صارت ارضك ما تنبت ربل ولا خزام=تناحو البدو عنك ودارك مربعه
وتقّافت عّصيهم بين الرسن والخطام= هذى يقب الهدير وذا يصف اربعه
ولا روحت روحت مرواح ربد النعام=وظهورها راس صيني" لبس قبعه
وطشت سواة الفشق والقاع مثل الحزام=وتخازرت مثل حر" شالع" برقعه
هذي طراة الحياه وقمة الانسجام=ترتاح لو انك الحالك وفي مقطعه
ولعلهم لا نصوني عقب طول الحيام =يلقون ما يشبع الطيب وما يقنعه
ولا الردي ما الحقه لومي علي الحرام=ولا همني لو عصف وجهه وطق اصبعه
المحترم بحترامه يفرض الاحترام=والغير ما غير اطابعه ولا طبعه
اي والله انا عزاز ووالله انا حشام= مير الزمن ما يخل المكر والزوبعه
ولو شبت افواههم .. نقول برد وسلام= الضلع ما يدحمه جنبك ولا يقلعه
تاهت بنو قينقاع وطار سرب الحمام= من يجمع السرب لا من طار من يجمعه
ولو انها كل ما مرت مرور الكرام= ما شفت بعض اللحى لشين متربعه
اللي تعرف السلام ولا ترد السلام=ما تدري ان رحمة الله وبركاته معه
لو انها في يديهم شاب جنح الظلام=ولا شيب الليل غير الصبح من مطلعه
يا صبر صدرك يالأرض يّشيل حتى الحطام=وكم شالوا اسفارهم .. وكم شالوا الامتعه
على شّرُفات ضحل الفكر والانقسام=سذاجه العقل تستغفل لها امعه
وان كان تبغى الكلام اللي عليه الكلام=اللي شراك اشتره واللي يبيعك بعه[/poem]