منتديات المرقاب الأدبية - عرض مشاركة واحدة

10-05-2008, 09:10 PM

الا يارفيقـي قـام يحتـار ظنـي فيـك
تشيل الحمل والا تعذر علـى الشاشـة
رجال المواقف عند وقت اللزوم اتْجيـك
ولاكل من يبغى طريـق الوفـاء ناشـه
تفكر بحاضرنا وأنـا عـارفٍ ماضيـك
من أدنى العرب والمال حطّك مع الباشة
بعد ما أقبلت دنيـاك بالخيـر لاتطغيـك
ترى الحمّرة من قشرة الأرض معتاشـة
سفهت الرفيق وبالخطا ساريٍ ساريـك
وخوي الطريق يبين لي عقب مطراشـه
تغطرس بدون أسباب والحق مايرضيـك
وهـذا زمـانٍ منـه الأفكـار منداشـة
أعاتب طموحي وارفع النفس عن طاريك
ونفسي على شرواك ماهيـب شوّاشـة
على الهون والمنقود ياشين وش حاديـك
تسمّع كـلام النـاس والنـاس غشاشـة
تواعد وتخلف واحدٍ في الوعد ناصيـك
لعله مهف اللي عن الطيـر منحاشـة !

الله الله الله

صح لسااانك مليار ولا هنت

والله ابدااع وجزاله

الله لا يهينك على ما خطته يمينك

شاعر كبير ورائع يجبرنا على المتابعه

لك كل الود