السلام عليكم ورحمة الله وبركاته

صبّحكم الله بالخير
بدون مقدمات .. ارجو ان تنال بعض من رضاكم ,,

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على الصدر الشمالي غيمة الضيقه لها رعاد=من البارح ونوض بروقها يطرب له الساري
ترزّم كنها تحمل على قلب المهيم احقاد=وتمطر لين تترك كل وادي فالحشا جاري
على اللي بالوصل شح وعلينا بالتغلي جاد=قطع حبل المواصل واشعل بروج الوله ناري
بعد ماصار صوته مع حظوره للحياه قناد=فقدناه وعسى الأيام تاتينا بالاخباري
الا ياصاحب شوفة عيونه ثالث الاعياد=وبحة صوته تسوق النفس من دار لاداري
علامك كل ماحبك تناما والغلا لك زاد=بدا صدك يزود وتختلق للصد الاعذاري ؟!
زرعت الحب في سور الحشا واعلنت له ميلاد=تزايد معه نبضات الخفوق ان جابك الطاري
ولكن وش حصيلي من هواك الا تعب وسهاد=ودمع قبل مايجرح خدودي يجرح انظاري
غيابك يابعدهم واقف للفرح بالمرصاد=قطع عني فلوله وبجيوشه حاصر اسواري
دخيلك لاتخليني تراني ماسكنت بلاد=ولا حليت دار الا عشانك يااجمل اسراري[/poem]

ودمتم بخير

..

تعبت
من بعض المشاعر و الاحساس
اوقات رايق
لكن
اوقات ضايق
ياليت لي قلبٍ مثل بعض هالناس
حزنه
على بعض السوالف
دقايق