دارين

درر تتبعها درر

ولن نتوقف طالما هناك أقلام تتذوق الجمال قبل ان تقرأه

لكم كل الشكر


*

*

يقول محمد الحلفي


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الشعر ماهو سالفه تكتب على حسب الطلب = الشعر كلمه يوم تنطقها تحسب احسابها
الشعر ديوان الجزيره والعروبه والعرب = الشعر نبضٍ للقلوب اللي تلم أحبابها
الشعر تاريخٍ جمع بين الحضاره والأدب = الشعر عنوان الثقافه لاطرقت أبوابها
أهل الجمايل عزّها باقي بطيبٍ ينحسب = وأهل الردى في طبعها ماتلتفت لأصحابها
والذيب لامنّه عوااا ولاّ مع المقرب قنب = ماهمّه سباع الخلا واللي تعوج رقابها
يأهل القصيم التمر تمري والرطب مامن رطب = والنخله اللي قد لقحتوها دفعت أتعابها
مشيت بالدنيا وميّزت السهوله والتعب = حتّى تعرّفت العيون اللي ترف أهدابها
والشاعر اللي يرفض الأسهل ويرضى بالصعب = أنا أشهد إنّه يقلب اللعبه على لعّابها
ياللي تقول إن الشعر أحر من نار اللهب = النار من شبّابها .. والخيل من ركّابها
عان العنب ياللي تبا تاصل عناقيد العنب = لكن صعبه تستوي .. والنوق من ضرّابها
دامك تدوّر للكراسي والأسامي واللقب = خذها نصيحه : إترك الدلّه وأنا شرّابها
ياللي تناظر بالسمااا (الله أخذ) .. (والله وهب) = لاتلتفت يم السباع اللي تحد أنيابها
شبّيت نارك مير ماكفّت ولافاد الحطب = مدري البلا من جمرها ؟ والاّ البلا شبّابها ؟
ياللي تقول إن الشعر أحر من نار اللهب = النار من شبابها .. والخيل من ركابها[/poem]




اختار محمد السالم