[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

على الصدر الشمالي غيمة الضيقه لها رعـاد=من البارح ونوض بروقها يطرب له السـاري

ترزّم كنها تحمل علـى قلـب المهيـم احقـاد=وتمطر لين تترك كـل وادي فالحشـا جـاري

على اللي بالوصل شح وعلينا بالتغلـي جـاد=قطع حبل المواصل واشعل بروج الوله نـاري

بعد ماصار صوته مع حظـوره للحيـاه قنـاد=فقدنـاه وعسـى الأيـام تاتينـا بالاخـبـاري

الا ياصاحب شوفـة عيونـه ثالـث الاعيـاد=وبحة صوته تسوق النفـس مـن دار لاداري

علامك كل ماحبـك تنامـا والغـلا لـك زاد=بدا صدك يزود وتختلق للصـد الاعـذاري ؟!

زرعت الحب في سور الحشا واعلنت له ميلاد=تزايد معه نبضات الخفوق ان جابك الطـاري

ولكن وش حصيلي من هواك الا تعب وسهـاد=ودمع قبل مايجرح خدودي يجـرح انظـاري

غيابـك يابعدهـم واقـف للفـرح بالمرصـاد=قطع عني فلوله وبجيوشه حاصـر اسـواري

دخيلـك لاتخلينـي ترانـي ماسكنـت بـلاد=ولا حليت دار الا عشانك يااجمـل اسـراري [/poem]

الله الله الله
الله الله الله
الله الله الله

ياسر نص آآآسر .. بكل مافيه .. صوره واحساس .. وجزاله .. ولفظه ..!
صح لسانك .. صح لسانك .. صح لسانك ..
!!
.
.

تقبل المتابعة الدائمة ..!

,