[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا ايها الملك المكسّى مشلحٍ صنعاني=وعمامةٍ ملفوفةٍ منقوشةٍ بالواني

وبثوبٍ مطرز بخيطٍ من حريرٍ اسودٍ=وبمحزمٍ فيه (القديمية) لها لمعاني

قد زاد هيبتكم بياض اللحية اللي ريحها=مسكٍ وعودٍ من خيار الجاوي العتقاني

وبخاتمٍ فضي فصه من عقيقٍ احمرٍ=وبسبحةٍ فيها الخراز اللامعه لوناني

قد جيت ارجو ان اناظر عرشكم ومكانكم=وانال من افضالكم وانعامكم ما جاني

قد كنت مبطي احسب ان العرش فخرٍ للملك =لكن لقيت العرش يفخر انهُ لك داني

ها انت يا مولاي تحكم .. والعساكر حولكم =بما اراك الله من برٍ ومن احساني

هذي جيوشك فالمداين والمنازل سايرة=موتٍ على الاعداء لكن عز للاوطاني

وتاخذ خراج الارض من شرق البلاد وغربها=دارٍ عطاها الله لك .. وانته بها السلطاني

وهذا عطائك للرعية ماهو لحدٍ منقصر=القاصي ياخذ مثل ما ياخذ قريبٍ داني

يا ذا المعالي والمهابه لا تناظرني كذا !!=فانا ترى قرمٍ عريب الخال والعماني

انا ترى من الجذيم العاربة اهل اليمن=من جذمها المذكور في الانساب بالقحطاني

(الازد) حنا اهل الفصاحة والسيوف الضاربه=مأوى النبي يوم العرب جازوه بالخذلاني

وفرعنا فالازد هو (شنوءة) اللي علمها=مذكور بين الناس باهل السيف والدرعاني

ومن شنوءة حنا (غامد) هذا اسم لجدنا=سمي بغامد يوم اغمد فتنة العرباني

لكن لعلك قد عجبت لسحنتي وللغوتي=واني اظنك تاتنشد عني وعن شاني

انا اتيتك من زمانٍ تاليٍ لزمانكم=بينه وبين زمانكم ذيّه يجي قرناني

قد جيت من شرق الجزيرة محتبي موبايلي=وراكبٍ اليك في (فكساري الياباني)

و(ابو محالة) تحت مركاية معبّر للرمي=ومستعين بالله ثم بجهاز (ماجلاني)

حتى استطعت ان اكسر الازمان وآصل عهدكم=وادخل اليك فـ(ـتركيا) يالحاكم العثماني

دخلت (لاسطنبول) وكل من شافني ساق العجب=من موتري وملابسي ومن لكنتي ولساني

وتجمعوا قالوا سفينه تمشي من فوق اليبس !!=وتعجبوا ومن لمعة الصدام والبيباني

وتهولوا من نورها .. وازياقها وحسيسها=ومن صوت دق السلف ومن تدخينة الشكماني

وتصايحوا حولي وفروا من طريقي وشردوا=وذاع الخبر في ديرتك كالنار في العيداني

وشوي وحاطوني الدرك ونزّلوني منّها=وجروها ببعيرٍ وودوها لمكانٍ ثاني

وانا خذوني (لكاركون) السجن وشدوا موثقي=وهناك خلوني ما بين القيد والقضباني

واصدر معاليكم اوامر بمتثالي عندكم=فارجوا العفو .. ثم طلبةٍ وانا بها رغباني

لكنّ قبل اقول طلباتي شجاني حالكم=فاسمع ياوالينا رعاك الله ما اشجاني

الاوله : ترى عهدنا مختلف عن عهدكم=سبحان ربي يقلب الازمان بالازماني

قريت تاريخ الدول من شرقها لغربها=لكن من يسمع ماهو كناظر الاعياني

يمكننا متقدمين شوي لكنّا اذل !!=وش تنفع دروب الحضارة عيشة المنهاني

والثانية : حكم الشريعة زاد في مقامكم=وخلى جيشك فالمنازل يدهم البلداني

لكن ترى اسطنبول بيجي من يدنّي عزهها=ويخلف احكام الشريعة حكمه العلماني

والثالثة: هذا امير العسكر اللي قدمكم=حفيده عامل مطعمٍ في مطعمٍ لبناني

وقاضي اسطنبول ابو هيبه وعلمٍ واسعٍ=ثلاثة من احفاده حلاقين بالظهراني

وان كانت تنشد كيف صار ابن الكرام ابن فقر=اقول هذي سنة الله في هل العصياني

بتصير دار العز وبلدان المهابة والكرم=دارٍ لتصدير العماله والهوى المجاني

لكن عسى الله يخلف اللي راح وينشي عزنا=ويزود في ميعاننا ويخلف النقصاني

هذا رعاك الله بعض اللي شجاني يمكم=واما الطلب لي طلبةٍ ولا لها من ثاني

يا ايها الملك الخليفة هازم جيوش العدا=انّي دخيلك رد لي (فكساري الياباني) [/poem]