مالقينـا حـل يالعقـل المفـدّى
طالت السيره وانا كفـي مخـده
صارلي في مرقب الحيره معدّى
ورحت انا والهم في هاتـه ووده
نتعشّـى فالـروابـع ونتـغـدّى
والطواري جالها قامـه وشـده
نقف عند الخط الاحمر ونتعـدى
بحث عن بعض الحلول المستجده
مر دوب انا على الشوف نتقدّى
ومر نوصل قاصي التفسير حده
ولالقينا حل واللـي جـاب ودّى
والزعـل ماينتقابـل بالـمـوده
ولاعلي من السوالف لو تـودّى
يكذب اللي قال مكه مثـل جـده
بانشدك ياراعي الـراي المبـدّى
وش سواتك يوم لك رايـاً تعـده
فالصحيب اللي يمـرك ويتعـدى
لايقول الـك السـلام ولايـرده
انت تسترضيـه لامنّـه تـردى
او تكبّـه فـي عمـاه ولاتـرده
دام ما اخطيت وعلى ذلك تحدى
لاحصل تقصير منك ولاش صده
/
/
ياسلام ياسعود
صح لسانك الى حد الثمالة
ابداع ولا اروع
اعجابي
|