انا لي ثلاث ايام متعومـس ومنصـاب
وعليّ الهواجس قـام يكثـر توافدهـا
هجوسٍ تفك الباب واخرى تصك البـاب
غدى الصدر منزلْها والاوجاع موردها
تحيّرت في وضعي وانا من ذوي الالباب
عجزت اكشف العلّه بجهدي واحددهـا
وانا ماني اللي فالمواقف كسير انيـاب
ليا اونست قمّة حرّها قلـت ماابردهـا
علي الصبر ياقلب وابذل لك الاسبـاب
على الله طبّك ولا انا رحت فـي يدهـا
شبيه السحاب الغرّ ياشعري المنسـاب
عزايه بيـوتٍ كـل ماضقـت ارددهـا
وعزايه ليامن جيت في منتدى المرقاب
لقيت القصيد اللـي همومـي يبددهـا
للمصعوك / فالح
..
|