منتديات المرقاب الأدبية - عرض مشاركة واحدة

#1 23-05-2008, 12:29 AM

السلام عليكم جميع

يا حبي للقسم هذا من بد الاقسام يالربع مدري ليه دايم مطبح هنا

عشان كذا جبت بويتات مبطيه وقديمه ودي اشارك فيه وان شاء الله تعجبكم

/

/

/

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ويل قلبي من تفاكيـر الفضـاوه = كان كل مفضي تشب النار فيّـه
واتذكر كل وقتـي فـي صفـاوه = والزمان اللي وسم كيه ب كيّـه
من سلبني بالحلا رمز الحـلاوه = الحلي اللي غدى ما لـه حليّـه
حضريه فـي تقاليـد البـداوه = وفالحميّا !! بدويه ... بدويّـه
فالمحبه ماخـذه منّـي عـلاوه = رتبتٍ غير الرتـب بالعسكريّـة
لقبلت فزت ضلوعـي بالحفـاوه = يسعد الله فالها صبـح وعشيّـه
يومها تمشي تبختر في هـداوه = كنها تمشي على سلـكٍ سويّـه
مشقيٍ قلبي ويا حلـو الشقـاوه = كان طبعه لا زعل يعتـب عليّـه
مير روّح والدهر أصبح غشـاوه = بين قلبي وبين قلبـه مهمهيّـه
حيلتي من عقبها درب القسـاوه = سالكه ورجلي بميـراده جريّـه
والله أني من رجال أهل النقـاوه = مجدهم معروف في نجد العذيّـه
من مطير أهل الكرم رمز السماوه = الرجال اللي على درب الحميّـه
مير بعض الحب ما له فالرخاوه = يطرح الرجال ... والطيحه قويّه[/poem]

وسلامتكم ....