[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقلب ياللي ماتطيع النصيحة=خلك وانا محمد تذوق الغرابيل
عذبت حالي والعرب مستريحة=واسهرت عين ٍمعك ماترقد الليل
اسرجت لك من خيل شفك مشيحة=وراحت مشيحة ماتباري هل الخيل
فزة وراحت عرو والشوف ضيحة=نطحتها دروب العناء والبهاذيل
اربع سنين وبين قومة وطيحة=اتلبك وركاب الهقاوي زرافيل
والرجل مايكثر بحالة مديحة=يفعل وتكفية المدوح الرياجيل
هزاع متنة للحمول المجيحة=شيال كايد والمواقف جماميل
تثقل بة اثقال العقول الصحيحة=يكبر مايصغر في عيون المشاكيل
وهالحين شفت الصدق سيحة وبيحة=والناس ماتوخذ بكثر الدهاويل
اسلم ياراسي والشعر والقريحة=ياسرع ماشفنا المقافي مقابيل[/poem]