محمد صالح العتيبي

قبل الإنتخابات :-



بعد أن دخل أحد المرشحون إلى أحد الدواوين ( المصطكّه ) باللحوات الغانمه !



المرشح : السلام عليكم ورحمة الله وبركاته

الناخبون : وعليكم السلام ورحمة الله وبركاته

المرشح : إستريح طال عمرك خلني أسلم على خشمك ( اللي بيسلم على خشمه عسكري مايصوّت )

الناخبون بصوت خافت : يالله حيّه .. عدّ عدّ صدر يابو فلان !

المرشح بعد أن أدار رأسه وتأكد من أنه سلّم على الجميع بما فيهم ( القهوجي ) : علي الطلاق ماإجلس ألا هناك ( وإختار مكان عسر عشان يثبت أنه متواضع ) .. ماشاءالله عليه

بعد مزارق الطيب والرديات المتبادله بين الأطراف المجتمعه ..

أحد الناخبين : ابو فلان وش برنامجك الإنتخابي ! وش ناوي تسوي إذا نجحت إن شاءالله ( ويعلق جليسه بصوت خافت قابلني إذا نجح ) !

المرشح : اول شي أبتصامخ انا والحكومه << بداية عنيفه !

الناخب : ياابن الحلال فكونا من المصامخ وشوفولنا حلول مع السلم الموسيقي للشعب ( التربيه - الصحه - الديون - إلخ )

المرشح : مره مره لاتكلمني - انا ناذر نذر لانجحت - أعرمش لي وزيرين والثالث أحلّي فيه !

أحد الناخبين اللي على نياتهم : والله منت إبصيط - أشهدنك تستاهل الكرسي ( مع إبتسامه تأييد لنذره ) ..

المرشح : افا عليكم بس !

أحد الناخبين اللي معاملاته دايماً ناقصه : يابوفلان - إذا كذا بتصير معارض - ومعاملاتنا وش نسوي فيها !

المرشح : انا فاتح ثلاثه وعشرين مكتب في ثلاثه وعشرين منطقه لتخليص المعاملات ! << شيّر عليهم رقم فردي عشان يبثت لهم إنه صدوق !

الناخب : طيب ماإختلفنا ! بس أنت راح تكون معارض !

المرشح : أنت مصدق إن الحكومه ماتمشي معاملات للمعارضين ! أصلاً معاملات المعارضين تمشي قبل الحكوميين ! << الأخ عروقه بالماي !


ناخب فيه عجله : يابوفلان - هذي معامله مامشت - بكره ابيها خالصه ولاتهون !

المرشح : ابشر ولايهمك - وبينه وبين نفسه ( الله يغث إبليسك وين طمرت في حلقي ) !

المرشح بعد أن حس إن المعاملات راح تنهال عليه بعد كلمة ( ابشر ) - أكرمكم الله وتكفون لاتخلونا حنا إخوياكم وربعكم وجيرانكم وأنسابكم والرز اللي تآكلونه نفس رزنا - ودعواتكم !



نكمل الحوار بعد نجاح المرشح وحصول على عضوية البرلمان فيما بعد !

،