خالد الحصيّن

عناد النفيعي !



لا زلت اقول ان ما زيّن مطلق بن شويه في عيني .. الا يوم عرفني على عناد والا مطلق ما فيه شيٍ زين .. قبل تسجيلي في منتدى المرقاب .. كنت في الايرسي وكان فيه واحد من اعز الاصدقاء اللي هو الشاعر المبدع / محمد بن تركي السبيعي .. وكان من اشد المتابعين للمرقاب ، وسعى لـ تسجيلي في هذا الصرح .. ولكن قبل التسجيل .. اطّلعت على المنتدى وتصفّحته قسم قسم / وكان من بين من ابهروني بـ حضورهم وشاعريتهم ( ســـلطان / اللي هو عناد النفيعي ) وسجلت .. وزاد اعجابي وانبهاري بــ هذا الرجل !



المسأله ماهي مسألة شعر فقط !! الرجل كااااامل والكامل وجه الله .. اقسم بالله العلي العظيم اني استفدت من ( عناد ) كل شي .. على سبيل المثال لا الحصر / استفدت منه طريقة التفكير في التعامل وطريقة التفكير في كتابة الشعر بـ اسلوب لم اجد له مثيل .. واستفدت منه الهدووء اثناء النقاش وتوصيل الفكره بـ طريقه سهله لا يجيدها الا هو !



من حيث الشاعريه .. لا زلت اعتبره استاذي الذي اتعلم منه ولا زلت اتعلم / شاعر كبير ومبدع ومبهر في المجالين العد والرد .. فـ عندما اقرأ له قصيدة نظم .. تزداد قناعتي بان الساحه الشعبيه لا يوجد بها شعار .. الا ما رحم ربي / وعندما اطّلع على طواريقه فالمحاوره .. اجد فيها من الابداع والتمكن والفتل والنقض ما يذكرني بـ زمن المسعودي وصياف ومطلق .. بدون مبالغه او مجامله يعلم الله .. سبق ان لعب محاورات فـ الميدان مع كبار الشعراء امثال .. رشيد الزلامي وسلطان الهاجري وفيصل الرياحي وحبيب العازمي .. وقد سألت الشاعر الكبير / سلطان الهاجري .. ما رأيك في عناد النفيعي .. فـ قال بالحرف .. ( والله انه لو يستمر عناد فالمحاورات ان يبني له مجد ما بناه احد مثله .. لما يتمتع به من ابداع وفطنه وسرعة بديهه .. وصووت راااائع )




ناقد من الدرجه الممتازه .. ونقـده نخبوي ! ويمتلك ذائقه صعبه .. وهو من القله القليله الذين يطعّمون ردودهم بالنقد المغلّف .. يفهمها من يفهمها ويجهلها من يجهلها ولا يجامل على حساب الشعر وذائقته .. واعترف اني احد ضحايا هذا الانتقاد .. في بداياتي يوم كنت اكحلها واعميها .. اما ذالحين اتحداااااه هههههه



شخصيته عجيبه جدا .. مرح لـ درجه انك من تقابله لين تفارقه وانت تضخك .. وجدّي في نقاشاته لـ درجه انك تسكت ولا ودك احد يتكلم لين يخلص .. كما انه صادق مع نفسه قبل ان يكون صادق مع الاخرين / ولا اخفيكم سر .. بس بيني وبينكم ولا احد يعلمه .. علاقته باسمه ( عناد ) علاقه طرديه حيث انه ( معاندي ) من الدرجه الاولى .. والغريب انك تستمتع حتى بـ عناده .. قلت ولا زلت اقول انه اهم وسائل الجذب في هذا الصرح !



اخيراً

والله الذي لا اله الا هو .. اني ما قلت هذا الكلام من باب المجامله او من باب اني احبه ولكن اللي غط النور ملعون ! كما اشهد الله ثم خلقه على حب هذا الرجل حب جمّا .. وسيبقـى رمز من رموز المرقاب طال الزمن والا قصر !



سلام ![/color]

khalid@mergab.com