[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
داخل مدينة( كل ممنوع مرغوب)= اللي مشيد من دماءي عمدها

اعتدت مقهى الصبر في شارع ايوب= واعتادت تمره مساء ً وحدها

جت سائحة تتعرف بلاد وشعوب= معها حقيبتها وصورة ولدها

انثى جسدها محتمل جرأة الثوب= والثوب أجاد منين يؤكل جسدها

مرسوم فمها في شكل قوس مقلوب= تفاحة ادم تحته ولا وجدها

وعيونها الزرقا بحر غير مركوب= موجه ظلل فوقه ظلل سود وادهى

والشعر لا هبت به الريح مطلوب= يلقى ملاذه بين مفرق نهدها

في ركن هادي فيه با الذات مكتوب= ممنوع تجلس اي انثى بعدها

جت وجلست واالي تبي شي محسوب= شيئين من عامين حافظ عددها

شاي وقنينه ماءها غير مسكوب= مصنوعه من اعذب نهر في بلدها

وانفاسها اللي بردت شاهي الكوب= هي نفسها اللي دفت اطراف يدها

تطفي بنظره قلب وتولع قلوب= وشلون لو نظراتها طال امدها

من كل حدب انهالت الاعين وصوب= عين ٍ تغازلها وعين تحسدها

وانا على أمري بين الاثنين مغلوب= مر اسرق النظرة ومر اعتمدها

اجمدوترسل شمسها الدفء واذوب=وتذوب حتى تختفي وافتقدها
اخذتني دروب واضاعتني دروب = داخل قنينة صنعت في بلدها!![/poem]