الأجودي واسمه من الجـود كالنيـل
والنَّذْل هذا اسمه حصل من قشرهـا
الأجـودي نـوٍ تلـتـه الهمالـيـل
والنذل جدب أمحل ثراهـا وشجرهـا
الأجـودي يعطـي بحـبٍ وتجزيـل
والنذل يبكـي ليـن يعطـي حقرهـا
الأجودي الأجـواد صوبـه مداخيـل
والنذل ينصاه الشبـه مـن دشرهـا
الأجودي ينـدى ليـا جـاه ولويـل
والنذل ما قد نـد وجهـه لمضرهـا
الأجودي وافي مـن أهـل المعاديـل
والنذل مـا يوفـي وناسـه غدرهـا
الأجودي ما ينكـر العيـش صمليـل
والنذل ينكـر بعـد بطنـه عمرهـا
الأجـودي مـا حـب للغيـر تذليـل
والنذل يرضى لسامي الـروح كرهـا
الأجودي مـا قـد تشفـى بمعاليـل
والنـذل يشفـى ثـم يتبـع أثرهـا
الأجودي ما هو براعـي المهازيـل
والنذل يوذي لين يعـرف ضررهـا
الأجودي ما هـو براعـي النواقيـل
والنـذل ينقـل بعـد ربـك سترهـا
الأجـودي مـا يتبـع أم الخلاخيـل
والنذل يبـرم حـول باحـة خدرهـا
الأجودي ما يخـدع أهـل المفاتيـل
والنـذل آيـات المنافـق حصرهـا
الأجودي مثل السيـوف المصاقيـل
والنـذل حلشـا مـا تعـدت ثمرهـا
الأجودي يحسب حسـاب النوازيـل
والنذل ما يحسـب بـلاوي دهرهـا
الأجودي استح منه عنـد المقابيـل
والنذل جنّـب عنـه يلقـى حررهـا
أحر مـا عنـد أجـودي بالكلاكيـل
تراه الأبـرد عنـد نـذلٍ حضرهـا
والختم صلوا بعـد مليـون تهليـل
على النبي المختـار للـي نشرهـا
اللهم صلي على سيدنا محمد
وانت اجودي يالثمالي وشكرا على الهديه الثمينه
صح لسانك مدد بلا عدد ياشاعرنا
تحياتي
|