السلام عليكم ورحمة الله وبركاته..


صبحكم الله بالخير..

ابيات بسيطه للتواصل واتمني انها تجوزلكم..




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
صاحبي لاتنكسر من هواجيس الغياب=سكر ابواب الحزن .. وافتح ابواب الصبر
ولو دموعك .. فالجفا كنها وبل السحاب=واصغر جروحك .. ليا من تصاغرته كبر
ابتسم .. ياول طموحي وياحلم الشباب=واقهر اللي يكرهك وعطني دموعك حبر
بكتب اجمل حزن .. وانحت علي صم الهضاب=ان بك اطهر قلب مجروح في وقتٍ غبر
ولو تسافر .. منكسر والذهاب ابلا اياب=اذكر اول يوم شفتك في .. كورنيش الخبر
غيب ياطهر المحبه .. وياسمح الجناب=واحفر لباقي طموحي .. من فراقك قبر
غيب واتركني اهوجس .. وفعيوني ضباب=ضايق وبين المتاهه .. وتفكيري شبر
غيب والعالم اناني .. وامانينا سراب=والتجارب قاسيه .. لكن الدنيا عبر
منجبر علي فراقك لو ان قلبي مصاب=وادري انك منجبر مثل مانا منجبر
ليت مابه حب .. ولاجفا .. ولاغياب=ولا ليت الله وهبني علي الفرقا صبر
انكسرت .. وشوف درب المفارق ويش جاب=غير امالٍ تبعثر وكسرٍ ماجبر
كل ماشفت المطر هل من بطن السحاب=حن قلبي فالكويت وتذكرت الخبر[/poem]