بسم الله الي مالنـا غيـره ولايعبـد سـواه
الواحد الـي عالـم ماكـان تخفيـه البشـر
الي رفع سبع وبسط سبع وتعلى فـي عـلاه
منجي سفينة نوح يوم الماطما مثـل البحـر
الـي هدانـا للعبـاده وتبعـنـا مسطـفـاه
من يتبع الهادي نجى ولي تبع غيـره كفـر
بسمه بديت القاف واخذلايقه وحسـن ابنـاه
مثايل مثل الذهب تنضم مثـل نضـم الـدرر
اسوقها سوق الجمل وقودهـا قـود الفـلاه
واخذ وخلي ونقش المعنى مثل نقش الحجـر
عندا للزوم يطأوعلـي بيـت والثانـي ورآه
وجيبهـالازان معناهـا ولاقـت فالنـضـر
يامرحبا ياعتيبه الهيلا عمـا عيـن الطغـاه
ويامرحبا بلي مع العتبـان فالمحفـل حضـر
إعداد ما يوم بدا وعـداد نجـم فـي سمـاه
وعدادماهـب الهـوا وعدادماهـل المـطـر
من هاجس في حفل ربعي ما ينقص من عطاه
اهل الكرامه ولصخاوهـل المـروه ولضفـر
الاد مرشد متعبة قحص ألرمك يـوم الغـزاه
يوم المعارك تلتهب ولنار تقدح مـن شـرر
كم واحد جاهم يبا المكسب وسو الموت جـاه
يشهدكلام الحكره الـي قـال قافـه وشتهـر
وكم فارس خلو سباع الغاب تنهش في عضاه
ومه بعدفرقاه ماتـت يـوم حسـت بالقهـر
ورجع الحفل الملتقى الي كل من سمعه نصاه
الملتقى الي جوله العتبان مـن كـل الديـر
مزاين بسـم القبيلـة خـص يعجبنـا نبـاه
تنافـس مابيـن بـدوان القبيلـه مختصـر
من صار الأول باركو بالفوز يوم الله عطـاه
وعليه شدالحيل لصعبه بعد كـم مـن شهـر
الفوز واحد للقبيلـة والتنافـس لـه طـراه
والله يحمينـا مـن الحسادوعيـون القشـر
والجائزه عند الولي للي كسب غاية رضـاه
الجنه الي جعلكـم تردونهـا يـوم الحشـر
ولآنسا جهود اللجنة ألي جهدهم محد نسـاه
متواليات اجهودهم رغم المتاعـب ولسهـر
حتى أثمرن أجهودهم ولحفل شرف مستـواه
والصعب كله راح ولي باقيـن لمحـة بصـر
ولله يعز الدين وهلة والوطـن ولـي حمـاه
ورسى اركونه لين عم الامن ولجهل اندثـر
وعلى النبي أختامها صلو وزيـدو فاصـلاه
ولي يصلي مـره عليـه صـلا الله عشـر
الله يامطر الله
كنت هنا ماطر شعرا يامطر
وكفو وكفو ملايييين
صح لسانك مدد بلا عدد
تحياتي
|