على الله تسانيع الزمن والظروف اصنـاف
ولا فالصدور الا ( آآه واحّيه وأخ وأأأووف)
يا بطاقـة الاحـوال .. بطاقـة الصـراف
تمر بظـروفٍ ماحصـل مثلهـنّ ظـروف
ما دام الريال محولٍ من علـى المشـراف
ولوعات بقعـا كـل يـومٍ تلوفـه لـووف
تحياتـي لتوقيـع أبـا الخيـل والعـسـاف
ولا فيه مانع يوم نلعـب علـى المكشـوف
ترى ما يقول العـارف الا علـى العُـرّاف
ولا يشـره المتكلّـف الا علـى المكلـوف
لحىً شمط ووجيهٍ عْـزاز وقلـوب نظـاف
ما تلقى عشاها خل عاد انْ لفاهـا ضيـوف
وأنا والله انّي أخشى فهذا الزمـن وأخـاف
على الشارب الطايل من الشارب المنتـوف
وأخاف اشقر الجنحـان ينتاشـه الحـذاف
ويصبح وهو خاطف ويمسي لا هو مخطوف
هذا والصحيح يصـح والعـدل بالإنصـاف
وانا لا استوت لي مانـي بقاعـدٍ مكتـوف
آباخذ وبأعطي واتمثنـى حـروف القـاف
وبأضرب ميادين الخطر والرجـال وقـوف
وأغنّي بعالـي صوتـي ولا علـي خـلاف
ولا في فؤادي غير خوف ٍ مـن الله خـوف



/
\
.

انك والله صادق . !

المسري
أقسم بالله انك ابدعت .. وامتعت .. واشبعت الذائقة
صح الله لسانك صح الله لسانك صح الله لسانك صح الله لسانك .... الخ ياشيخ
اعجابي ومحبتي