السلام عليكم ورحمة الله وبركاته



اعذروا طول الغياب ..واقبلوا هالمتواضعه


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا ربّـنا اللي فـوق سبع السّماوات = تعين يا الله وانت .. ما غيرك معين

الله يجمّلني مع أهل الجمالات = والله يقدّرني على الماقف الزين

الشعر .. حبك و سبك .. في هيئة أبيات = ماهوب رفع الصّـوت .. وملاوح ايدين

وأنا يقـدّيني مع أهل الجزالات = طيب .. وغلا .. وتقدير ناس(ن) عزيزين

أقول ما يطري على البال وإن جـات = كلمة عـوج .. من نقـص .. قلنـا : على ميـن ؟!؟

ويا حسين .. أبيض وجـه .. لو الوفا مات = ولا تكدّر خاطرك حيـل يا حسـين

راجع معـي تاريخ خمس السّـنوات = واللي ما مر اذنـك .. تبا تشوفه العيـن

يكفيك .. ما قدّمت يا طيّب الذات = واللي بقـى تحصيل حاصل وتقنيـن

والله ما تلحِـق .. علـومـك ..حسـوفـات = ما أمحـق من اللي يلحِـق الزين بالشيـن

إذا خدمت بطيب واتقان واسكـات = ولا يدري من الناس الاّ القليلين

ماهوب منـّـك ما انت راعي دعايات = منـّـه لا قام يمدّحِـك عند الادنيـن

علّمتهم وشلون صنع القرارات = وعلّمتهم وشلون سن القوانين

وفهّمتهم مضمون فن العلاقات = وكيف الرجل راسـه مع العالم يبيـن

واعطيتهم ما يوم قد قلت : أبي .. هـات = الهـات هذي تسوق من دونها الدين

ورّدتـهـم من باب ( ابنوا طموحات ) = وصـدّرتهم من باب ( ربعي وغالين ) ؟!؟

علي الحرام ورب الاحياء والاموات = واللي خالق آدم وسوّاه من طين

ماهمّـني ترديد بعض الإشاعات = ولا طمعت بقطف ثمره من التين

ما كبّرك في العين طبع المروّات = ولا قدّرك في القلب طبع الجليلين

مقدّرك من شـان أهل المقامات = ومكبّرك اسم الرّجال المسمّيـن

وعلي الحرام ورب الاحياء والاموات = واللي خلق آدم وسوّاه من طين

إن الرجل لا صار راعي حركـات = ما يطمع برفقتـه غير المخلـّـين[/poem]


وسلامتكم


أخـ ( ناصر بن راشد الهاجري ) ـوكـم