سداح

الشاعر الكبير والقدير / خولان بن عامر

عليكم السلام ورحمة الله وبركاته

والله يسعد مساك ويحييك ..

تغيب ومثلك وشرواك نفتقده بدون مجامله

والحقيقه أنك من أفضل شعراء هذا الجيل وفق رأيي

وقدمت هنا نموذج حي وتصوير واقعي لحال الشعر والشعراء هذه الأيام
فريده هذه القصيده

والنسخ الكامل مستحق

قالـوا نبـي منـك قصيـدة جديـده
شاعر على شاعر ومن بيت شعـار

عطنـا البيـوت الفاتنـات الفريـده
اختـار ولاّ ودّنـا مـنـك نخـتـار

قلت القصيد اليـوم كـل لـه اييـده
نصف الشعب صاروا من الشعر تجار

كلـن تفنـن فـي تنّـوع رصيـده
بين الريـال وبيـن درهـم ودينـار

كـم واحـد يبغـى يسـوي وليـده
اهـم شـيٍ يلفـت قلـوب وانظـار

واكبر طموحه صورته في الجريـده
ولا ظهوره فـي قنـوات الا شعـار

وليا حصل زرقـه وفرصـه سعيـده
يمكن يشارك فـي اكاديمـي استـار

رخص الشعر ما بين عبده وسيـده
ماعاد له حشمـه وقيمـه ومقـدار

اتناهشـوا لحمـه وجـزوا وريـده
ماكنّـه الا هبـرةٍ عـنـد جــزار

حتـى شواعيـر الغنـا والنشيـده
قالوا لهـم شعـار جزليـن وكبـار

وصاروا شريحه في البلد مستفيـده
اخذوا حكايـة قصـة الهـر والفـار

هـاذي الحقيقـه والعلـوم الاكيـده
من زعل منها يلتفت لا اقرب اجدار

خلاص. ولاّ . كِل ما اقلـت اعيـده؟
بعض المجامل يدخل العبد في ا لنـار

المعذره مـا عـاد عنـدي قصيـده
من يوم صار اهطيل وانطيل شعـار


عسى والله هطيل ونطيل من فداياك
وأن لم يطلب القصيده من اهله لا يتوجب ان يطلب إطلاقا

صح لسانك ملايين ،،


..

>> هات و دوك ! <<