اناجريح الصمـت ومعاتـب البـوح
ولواشتكي صمتي لبوحـي فضحنـي
وللحلم في حالك سما غربتي ضـوح
خيـرة تعـدى حروتـي مالمحنـي
وعلى الطموح احلام عمري لها نوح
مات اول أحلامـي لكـن ماذبحنـي
يامااستعنت الصمت وادمى لة جروح
ولقيت في صمتي رضـاي وربحنـي
لقيت في صمت الغضب عزة الـروح
ولولا احترام الذات صمتي جرحنـي
وعن يأس عزمي بالأمال ابعد الشوح
مادام عزمـي مانثنـى ماطرحنـي
وعلى الجروح اقول للصبر مسموح
مسموح ياصبـري ولكـن أبحنـي
الله يبيح الصبر لـو كـان مجـروح
منه الخفـوق وطالمابـه نصحنـي
لوأن راسي من خطى العمرممسوح
راضي بما ربـي بحكمـه منحنـي
ولاأقول مافي حكـم الأقدارمصلـوح
تكفير عـن ماقبـل هـذا صفحنـي
مكتوب لو ماجالـي أنـا لـه اروح
وإلا على الحـروة بدربـي نطحنـي
مالي عن الي قد كتبلي على الـوح
والي وطاني لـو مابـي ماسنحنـي
ما دام من رب الملاكـوت ممنـوح
سلمت انا قوسـي لباريـه محنـي
للجد موقف والقدر ما بـه مـزوح
غلطة ضميري عقبها مـا سمحنـي
لو ما خشيت عقاب قوم النبي نـوح
لااقول انا لابعـد حـرام استبحنـي
وباجمل خصاله ودك الرجل ممـدوح
والا على الشين احتقر من مدحنـي
للشاعر \ سعود غنام
|